Boarische Grammatik (Verbn)

Aus Wikipedia

Der Artikl do gheart zua Artiklsammlung iba'd Grammatik vo da Boarischn Sproch. A Ibasicht iba olle Artikl zum Thema findt ma in Boarische Grammatik.

Thema vo dem Artikl han de Verbn und eana Konjugation.

Inhaltsverzeichnis

1 Gegnwart
2 Easte Vagangenheit
3 Zwoate Vagangenheit mit "håm" oda "sei"
4 Dridde Vagangenheit
5 Da Konjunktiv
6 Infinitivkonschtruktiona
7 Åbkirzunga

[dro werkln] Gegnwart

Kategorie	Standarddaitsch Infinitiv	Boarisch Infinitiv	1. Person Singular	2. Person Singular	3. Person Singular	1. Person Plural	2. Person Plural	3. Person Plural
			i	du	eă/deă, si/de/NB:dej, s/es/dees	miă	ees/iă/ NB:enk(s)/(de)ets/diăts	si/de/ NB:dej
Normalform	wetten	wettn	wett	wettst	wett	wettn WMB àà: wettma	wetts	wettn WMB àà: wettnd
...ben	leben	leem	leb	lebst	lebt	leem WMB àà: leema	lebts	leem WMB àà: leemd
...gen	legen	leeng	leg	legst	legt	leeng WMB àà: leengma	legts	leeng WMB àà: leengd
...den	reden	ree(d)n	red	redst	redt	ree(d)n WMB àà: ree(d)ma	redts	ree(d)n WMB àà: ree(d)nd
...men, ...ngen, ...nen	rennen	renna	renn	rennst	rennt	renna(n) WMB àà: rennand	rennts	renna(n) WMB àà: rennand
...fen, ...ken, ...chen	hoffen, denken	WMB/Süd-NB: hoffa, denka Nord-NB/OMB/SB: hoffm, denkn	hoff, denk	hoffst, denkst	hofft, denkt	WMB/Süd-NB: hoffa(n), denka(n) Nord-NB/OMB/SB: hoffm, denkn WMB àà: hoff(d)ma (mid nasalem d), dengma	hoffts, denkts	WMB/Süd-NB: hoffa(n), denka(n) Nord-NB/OMB/SB: hoffm, denkn WMB àà: hoffand, dengand
unreglmässe	tun	doa/duan NB: dou	dua NB: dou	duasd NB: doust	duad NB: dout	dean/duan/dàn WMB àà: deama/dàmma/doama NB: dejn	deads/dàds/duads WMB àà: doads NB: dejts	dean/dàn/duan WMB àà: doand NB: dejn
unreglmässe	sein	sâi NB: sââ	bî/bin	bisd SB: bisch(d)	is SB: isch	hàn/sàn WMB àà: hàmma/sàmma SB: sein	hàds/sàds/saids	hàn/sàn WMB àà: hànd/sànd SB: sein
unreglmässe	haben	hååm/hòòm NB: hoom	håb/hò/hòb NB: ho/hob	håst/hòst NB: host/hòust	håt/hòt NB: hot/hòut	håm/hòm WMB àà: hammà NB: hom	håbts/hòbts NB: hots/hòuts	håm/hòm WMB àà: hammànd NB: hom
unreglmässe	sehen	sehng NB: sehng/seha	seg/sig/siag NB: siich/siah	segst/sigst/siagst NB: sigst/siahst	segt/sigt/siagt NB: sicht/siaht	seng WMB àà: sengma NB: sehng/seha(n)	segts NB: sechts/sehts	sehng WMB àà: sehngd NB: sehng/seha(n)
unreglmässe	gehen, stehen	gêh, stêh NB: gêjh, stêjh	gèh, stèh NB: gèjh, stèjh	gèhst, stèhst NB: gèjhst, stèjhst	gèht, stèht NB: gèjht, stèjht	genga(n), stenga(n) WMB àà: gemma, stemma	gèhts, stèhts NB: gèjhts, stèjhts	genga(n), stenga(n) WMB àà: gengand, stengand/stennand

[dro werkln] Easte Vagangenheit

De easte Vagangenheit wead in Baian in so guad wia olle Fäi mit da zwoatn umgànga:

Standarddeitsch	So sågt ma s af Boarisch
ich sah	i håb gseng
ich ging	i bin ganga
sie floh	sie is davoglaffa/davogrennd/obghaud (in Wien aa: sie is ahpascht)

Awa es gibd a boa wenige Veabn, de wos a Imperfekt hâmd:

Standarddeitsch	So sågt ma s af Boarisch
ich wollte	i woidd
ich war	i wå/wo/woa

Untam Strich is es oba aso, dass ma, wo s geht, de zwoate Vagangenheit nemma soit! Nur wanns wirkle ned andast geht, ko ma aufs Imperfekt zruckgreifn.

[dro werkln] Zwoate Vagangenheit mit "håm" oda "sei"

Standarddeitsch	So sågt ma s af Boarisch
gesessen, gelegen, gestanden haben	gsessn, gleng, gstandn sei
ich habe gesessen, gelegen, gestanden	i bin gsessn, gleng, gstandn

[dro werkln] Dridde Vagangenheit

Aa s Plusquamperfekt gibds im Boarischn, s wiad owa andas buidt wia im Deidschn, zwa mid de sêim Huifsveabn hâm und sei, owa andane Stellung. Es is eingtle recht oafach, statt dass des Huifsverb in da erschtn Vagangaheit steht, de's jo im Boarischn quasi ned gebt, werd's hoid in da zwoatn hergnumma. Dés Plusquamperfekt gibts åwa néd in ålle Dialekte im boarischn Språchraum.

Standarddeitsch	So sågt ma s af Boarisch
ich hatte gesehen	i hob gseng ghod
ich war spazierengegangen	i wå spåzianganga gwén
ich hatte gelebt	i hob glebt ghod
ich hatte gehabt	i hob ghobd ghod

Wia im Deidschn is às Veab "sei" im Plusquamperfekt zum buidn: ich war gewesn = i wå gwén

[dro werkln] Da Konjunktiv

Standarddeitsch	So sågt ma s auf Boarisch
ich würde	i wua / i dààd (schau untn)
ich hätte	i hädd
ich wäre	i wààr/wàrad
ich machte / würde machen	i mochad
ich spielte / würde spielen	i spuijad/spülad
ich gäbe	i gààb/gàbad
ich ließe	i lossad/luas

Owåchd: Foische Foaman breidn se aus, zum Beispüi i häddad, i woiddad und so weida.

No zum Woad "würde": Wann nimmt ma i wua und wann i dààd? Des is ganz einfach:

An so einem einem schönen Tag würde ich lange spazieren gehen.

An so àm scheena Dog dààd i lâng spåzian geh. (Umschreiwung vom Konjunktiv)

Bei diesem Ehemann würde ich sicher verrückt!

Bei dem Mâ do wua i gwies nààrisch! (àfåcha Konjunktiv vo wern)

[dro werkln] Infinitivkonschtruktiona

Im Standarddeitschn gebts de Möglichkeit, an Nebmsoodz noch dem Musta "um etwas zu tun" zum vawendn. Im Boarischn werd des vamiedn und stattdessn mit am Nebmsoodz mit "weil", "dass" oda "damit" umganga.

Standarddeitsch		So sågt ma s auf Boarisch
Beispuisoodz	Da Hintagrund	Beispuisoodz	Da Hintagrund
Ich gehe nach Hause, um meine Suppe zu essen.	"um zu" weist auf a Absicht hi	I geh hoam, weil i mei Suppn essn wui./ I geh hoam, mei Suppn z'essn.	de Absicht werd durch des Verbn "woin" vadeitlicht, oda s'wead wia im deidschn a Infinitivkonstruktion heagnumma.
Ich wischte die Scheibe, um besser hindurchsehen zu können.	"um zu" weist auf des Ziel vo dera Handlung hi	I hob de Scheim gwischt, damid i mera sieg.	durch des Wertal "damid" werd vadeitlicht, dass de Handlung a Ziel hod