Zenzerro
De Biquipedia
- Ta l'instrumento sonoro que penxa-se-be en o cuello de belas bestias domesticas, se beiga Esquiella.
O Zenzerro (de l'español cencerro) ye un instrumento mosical de percusión d'o tipo d'es idiofonos tipico d'a mosica caribenca e latinoamericana.
A suya forma, á bela manera resemblant ent'as esquiellas d'as bestias domesticas (cencerros en castellán) ye ra responsable que tienga ixe nombre. Gosan á estar puestos á l'alto d'un suporte e se fan mimbrar en trucar-los con as baquetas, mutas begadas as mesmas que tienen as baterías e tambors. Cheneralment son fetos de metal siga azero u cobre ó bela aliyazión d'istes, e d'aucorde con a suya mida produzen sonius diferenz que permiten empregar-ne una colla ta produzir a mosica.
Es zenzerros tienen un paper important en a mosica d'America latina, an bi son muito empregaus, e cuan s'encluyen aintre d'una formazión orquestral, gosan á amanixer como un apartato espezial de percusión chica. Á sobent son trucatos per o mesmo interprete y á ro mesmo tiempo que d'altros instrumentos de percusión simplers d'a colla.
