Soziedá
De Biquipedia
 |
|
A soziedá ye o conchunto de presonas que truxan fins, trestuques y costumbres, y que interautúan entre sí establindo una comunidá. Tamién ye una entidá poblazional u abitat, que repleca os abitantes y a suya redolada, tot er interrelacionado con un proyeuto común, que lis da una identidá de pertocancia. Antimás senifica una colla con lazos economicos, ideolochicos y puliticos y supera al conzeuto de nazión-estau, serba la soziedá ozidental como una soziedá de nazions, ezetra. Todas istas sociedaz son l'obcheto d'estudio d'as zenzias sozials, en espezial d'a soziolochía, antropolochía, ecolochía, ezetra. Istas distintas roldes no pueden estar conzeuzions abstrautas, tienen que tener una representazión en un meyo, cheneralmén o territorio, y un alto grau d'aizión sozial conchunta, en atro caso no pueden estar obcheto d'una metodolochía con metodos soziolochicos ta o suyo analís y serban parti d'o conoximiento filosofico, teolochico y atros sabers no empiricos. Antimás d'os abitans, a redolada y o proyeuto sozietario, pueden adibir-se atras categorías a la definizión de soziedá seguntes l'especialidá d'o proyeuto u d'o suyo grau de desembolique, isto será a tecnolochía adubida en os meyos de produzión, dende una soziedá primitiba con simpla tecnolochía espezializada de cazataires -mui poquet manefizios-, dica una soziedá muderna con complexa tecnolochía -muitos manefizios-, prauticamen en todas as especialidaz. Istos estadios de zebilizazión encluyirán l'estilo de bida y o suyo ran de calidá, asinas que será simplo y de baxa calidá contimparatiba en a soziedá primitina y complexo u sofisticato con altera calidá comparatibamen en a soziedá industrial. A calidá de bida comparatibamen ye controbertito car tien aspeutos subchetibos en os termíns de como ye recullida por os suchetos. No podemos saber cuanto disgraziaus se sentíban os ombres preistoricos por no aprestar de telebisión.
Tamién se clama soziedat a un conchunto de presonas ta la reyalización d'autibidáz pribatas, cheneralmén comerzials. A os suyos miembros lis se diz sozios.
