Punta Corral Ziego
De Biquipedia
| Punta Corral Ziego | |
| {{{imachen}}} | |
| Altaria | 3.006 m |
| Latitú | - |
| Lonchitú | - |
| Situazión | Torla, Uesca, Aragón |
| Cordelera | Perinés |
| Primera puyada | - |
| Rota de puyada más fázil |
Dende Góriz u dende Sarradets |
A Punta Corral Ziego, Casco de Marmorés u Casco de Gavarnie ye una tuca d'os Perinés d'o mazizo d'As Tres Serols, situada en una cresta de picos de más de 3.000 m. que fa de muga entre España (Bal d'Ordesa) y Franzia (Zirco de Gavarnie), estando encluso tanto en o español Parque Nazional d'Ordesa y d'as Tres Serols como en o francés Parque Nazional d'os Perinés.
Chunto con a Punta Faixón, os Picos d'o Salto d'augua y o Pico Marmorés forma la paret norte d'o Zirco de Gavarnie, con 1500 m. de desnibel dend'o fundo d'a bal y an se troba o mayor salto d'augua d'Europa, o Salto d'augua de Gavarnie con 425 m. d'altaria.
[editar] Rutas
Por a parti española l'amanamiento en beíclo se fa dic'a tascal d'a Bal d'Ordesa u dic'a bal de Buxargüelo, mientres que por a parti franzesa se fa dic'a estazión d'esquí de Gavarnie-Gèdre, que ye a que más amán nos dexa d'a tuca .
Dende Ordesa se puya primer dic'o cubillar de Goriz, (2.190 m., 4 oras y punto cruzial t'a esplorazión de toda a redolada), siguindo dimpués a rota ent'a Breca de Rolando dica arribar á la collada entre a Punta Faixón y o Punta Corral Ziego, dende an s'enresta la tuca. Dende Ordesa se puede arribar á lo mesmo punto puyando por o zirco de Cotatuero u por o zirco de Carriata.
Dende Gavarnie-Gèdre y dende Buxargüelo se'n puya dic'o cubillar franzés de Sarradets, puyando dimpués á la Breca de Rolando y rodiando enta l'este a bersán sur d'a cresta dica arribar á la collada entre a Punta Faixón y a Punta Corral Ziego, dende an s'enresta la tuca.
