Pengő
De Biquipedia
O pengő ye una antiga moneda d'Ongría, emplegata entre o 21 de chinero de 1927 e o 31 de chulio de 1946, año en o cual estió remplazata per o forint dimpués d'un periodo d'intensa iperinflazión. O pengő se trestallaba en 100 fillér.
[editar] Introduzión
Dimpués de a Primer Guerra Mundial, a corona austro-ongara sofrió una alta tasa d'inflazión. En Ongría, s'introduzió una nueba unidá monetaria, o pengő, preziato en 12,500 coronas, e definito como 3800 ta un kilogramo d'oro. Manimenos, á diferienzia de con as coronas, nunca no se fazió garra pengő d'oro.
[editar] A fin de o pengő
O pengő perdió a suya balura dimpués de a Segunda Guerra Mundial, sofrindo a más gran tasa d'iperinflazión nunca rechistrata. O pengő se rebaluró, pero ixo no aturó la iperinflazión, e os pres continoron a suya espiral escontrolata, introduzindo-sen baluras superiors e plegando ta un maisimo d'un sestillón(1021) de pengő (Se'n beiga la imachen). Anque s'imprentó, nunca no s'emitió. A balura más gran en zerculazión estió de zien quintillons, (1020) de pengő (Se'n beiga la imachen).
A economía ongara sólo que podeba estabilizar-se con a introduzión d'una nueba unidá monetaria; asinas estió que, ta l'1 d'agosto de 1946, s'introduziba lo forint á razón de 400 octillons(4×1029) de pengő.
