Man
De Biquipedia
- Iste articlo trata sopre a man umana. Ta altros usos d'a parola se beiga man (desambigazión).
A man ye ra parti més ta l'extremo d'as extremidaz anteriors d'o ser umán u cualsiquier altro primat. A man per usual gosa á empregar-se ta sozxetar obchetos u agafar-se l'animal u persona enta elementos de l'ambient, cosa que las fa ser importants ta ro desplazamiento braquial d'es primates. Abitualment, se'n fa destinzión d'as patas d'es animals per a posibilidat que tienen d'oponer-be uno d'es ditos ta es altros.
A man tién de forma natural zinco ditos, que embiyendo d'a palma d'a man ezquierda son, d'a dreita ent'a ezquierda: o dito gran u plucar, l'endiz u índice, o dito meyán, meyaner u cordial, l'anular e ro chicolón.
[editar] Constituzión d'a man
Anque bels altros mamiferos tienen extremidaz d'asimiento morfolochicament parellanas ta una man, ixas no pueden ser consideratas zentificament como á tals e per ixo han altros nomes bariatos. l'Emprego d'o termín man ta desinnar a terminazión d'una pata anterior d'un animal no primate ye un uso zentifico d'antropomorfizazión. Ta estar consideradas á tals, as mans cal que tiengan plucars oponibles.
En o caso d'es sers umans, as mans son dos fincadas á l'extremo d'es abantebrazos. Belas begadas diz que simios e monas tienen cuatro mans perque también en es piez tienen ditos liergos e plucars oponibles que les ne permiten a sozchezión.
