Horta de Sant Joan

De Biquipedia

Horta de Sant Joan
Nombre ofizial	{{{nombre_ofizial}}}
Estato	España
Comunidat autonoma	[[{{{comunidá}}}]]
Comunidat autonoma	Cataluña
Probinzia	Tarragona
Probinzia	[[probinzia d'{{{probinziad}}}|{{{probinziad}}}]]
Redolada	Tierra Alta
Monezipio	{{{monezipio}}}
Codigo postal	43596
Superfizie	119 km²
Altaria	542 m.
Distanzia	km á Tarragona
Poblazión	1238 ab. (2006)
Chentilizio
Ríos	{{{ríos}}}
Pachina web	www.HortaDeSantJoan.es

Horta de Sant Joan ye un monezipio catalán d'a redolada d'a Tierra Alta. La suya poblazión ye de 1238 abitants (2006), en una superfizie de 119 km² e una densidat de poblazión de 10,4 ab/km².

Contenius 1 Cheografía 2 Istoria 3 Curiosidaz 4 Enrastres esternos

[editar] Cheografía

Ye situato en un pueyo en meyo d'una plana. La parte sur de lo termin ye montañosa, con las zagueras estribazions de lo norte de los Puertos de Bezeit. Lo modelato en los conglomeratos ha produzito mons con formas curiosas en mallos como Les Roques d'En Benet u reliebes en cuesta como Sant Salvador d'Horta, que dende luent parixe conico como un bolcán y que podió estar un mont sagrato dedicato á Chupiter como en Chuseu.

[editar] Istoria

Estió conquerita por Alifonso I lo Batallero con intenzión de conquerir Tortosa, como se bei en un texto de 1132 on s'espezifica que en ye a sais millas:

Regnante domino nostro Iesu Christo sine fine, et sub eo Adefonso Sancii regnante de Montson usque Bilforato et antigua Castella et usque Sancto Stephane de Gormaz et Monte Regale versus Barraçina et usque Castello Orta dicto, sex millibus distans a Tortosa et infra. Uenerauili episcopo Sancio Ossetano alumno, presidente prefate sedi in universo eius episcopatu

Dimpués d'a derrota aragonesa en Fraga, los almorabez la recuperoron. La reconquista definitiba estió con Alifonso II lo Casto. En 1165, Alifonso II lo Casto atorgó á Horta Carta Puebla. Estos territorios yeran en posesión de la Casa de Montcada dica l'año 1177, cuan lo rei Alifoso II zedió la churisdizión á la Orden de lo Temple.

La Orden de lo Temple creyó la Comanda d'Horta. Esta incluiba los autuals termins monezipals d'Arnes, Bot, Caseras, Prat de Comte y Horta de Sant Joan. Se diz que lo terreno de los templers d'Horta ocupaba partes de l'autual termin de Bezeit, on se trobó un cruz de base otogonal, cuan no i eba mugas claras. Los templers impulsoron la redazión de las Consuetuds, compendio de dreito lechislatibo local. En lo llibre dels Feits se fa constar que lo rei Chaime I d'Aragón estió en lo castiello d'Horta muitas begatas. L'año 1317 se suprimió la orden de lo Temple y los suyos bien pasoron a pertenexer a los Espitalers.

[editar] Curiosidaz

Pablo Picasso teneba un amigo d'Horta y se sape que i estió bibindo dos temporatas (en 1898 y en 1909) una d'ellas recuperando-se d'una malantía beneria. Lo primer cuadro suyo, constumbres aragonesas, se tresbatió y yera lo retrato d'un ome bestito de baturro que probablement beyió en lo termin de Ledón u Arens de Ledón, á l'atro costato de lo río Algars (on teneba propiedaz lo suyo amigo). Uno de los pocos cuadros suyos que no ye abstracto ye un ritrato de lo parache de Les Roques d'en Benet, uns mallos espezials con forma de capeza d'animal. Lo pintor se inspiró en las suyas carreras, los suyos paisaches y la suya chent pa creyar las obras precursoras de lo cubismo. Lo tiempo que Picasso residió en Horta estió esenzial, él mesmo dizió: Todo lo que sé, lo he aprendido en Horta. Lo lugar inspiró á lo pintor en obras tan conoxitas como La montaña de Santa Bárbara, La bassa d'Horta y La fábrica. Pa profitar este reclamo turistico en Horta bi ha un museu de Picasso con copias de los suyos cuadros.

[editar] Enrastres esternos

• www.HortaDeSantJoan.es, ayuntamiento d'Horta.