Esparberet
De Biquipedia
| Esparberet | ||||||||||||||||
|---|---|---|---|---|---|---|---|---|---|---|---|---|---|---|---|---|
 Debuixo d'as diferents formas de l'esparberet (Accipiter nisus) |
||||||||||||||||
| Estato de conserbazión | ||||||||||||||||
|
||||||||||||||||
| Clasificazión zentifica | ||||||||||||||||
|
||||||||||||||||
| Nomenclatura binomial | ||||||||||||||||
| Accipiter nisus | ||||||||||||||||
| Linnaeus, 1758 |
l'Esparberet, u més zerterament astoret (Accipiter nisus (L., 1758)), tamién dito esparbero perdiguero, ye un abe rapiñadora de dimensions chicas d'a familia d'as aczipitridas, cazataire boscana espezializata ta capturar muixons més chicoz que no era.
As suyas colors son foscas per alto, per l'usual grisas, e blancas con rayetas negras per a tripa en as fembras, estando soztituïta ra tonalidat blanca per una de més royenca en es masclos. As fembras plegan t'as midas més grans, como en a més gran parti d'as rapiñadoras, estando ras midas carauteristicas d'a espezie d'entre es 27 e 37 cm de lonchitut. Ye asinas a segunda rapiñadora més chicota d'Eurasia dezaga d'o ziquilín.
Ye una espezie autoctona d'Eurasia e d'o norte d'Africa, trobando-se per un regular en as selbas biellas, d'as cualas ne triga ras coniferas ta fer-be es niedos, que son arrondolatos, d'una arquiteutura prou més curata que no en altras espezies, fetos de branquetas e plomas. A femalla fica es 4 u 5 uebos con interbalos de 3 u 4 días d'entre ers, e n'enzata ra incubazión á partir que n'ha ficato ro terzén. A bestia s'está cluecata dica o 35én día, cuan gosa á aber-ne amaneixito o primer u primers pollez. Es siguients pollez ixen á es días siguients. O plomache d'es chobens ye completero ta ro 28én día d'a suya bida, pero no rematan á rebolar-se dica o 32én u cosa asinas. D'ixa traza, es pollez abandonan o niedo pero encara s'están belas semanas de més pendiendo d'es suyos pais ta que els alimenten.
[editar] Se beiga tamién
[editar] Enrastres externos
Biquiespezies tien un articlo sopre Accipiter nisus.
Se beigan as imachens de Commons sobre l'esparberet.
