Cruz de San Chorche
De Biquipedia
.svg/250px-Flag_of_Zaragoza_(province).svg.png)
A cruz de San Chorche ye una cruz roya sobre fundo blanco. Dende que o rei Pietro IV lo Zeremonioso prenese o simbolo d'o Santo Patrón d'Aragón como siñal en as suyas barallas contra Pietro I de Castiella (1356-1359), a bandera con a cruz roya de San Chorche se combirtió en simbolo de distinzión d'os exerzitos aragoneses en o campo de batalla.
Asinas güé encara puede beyer-se o siñal d'o santo en as banderas ofizials d'as tres probinzias aragonesas e en o terzer cuartel d'o escudo d'Aragón, con as cuatro cabezas de moros, remerando a baralla d'Alcoraz.
Tamién ye a bandera nazional de Cheorchia e d'Anglaterra e aparixe entre atros muitos en os escudos d'as ziudaz de Londres, Milán, Chenoba, Friburgo, Montreal e Barzelona.
