Rotwein

Us der alemannische Wikipedia, der freie Dialäkt-Enzyklopedy

Rotwy isch e alkoholisches Getränk, wo durch alkoholischi Vergärig vo rote Truube entstoht. Wird d'Maische nur kurz fermentiert, löse sich nur wenig roti Farbstoff (Anthocyane) und dr Wy het e rosaroti Farb (Rosé, Wyssherbscht etc.) D'Farb vom Rotwy isch je nach Härkunft und Ryffy etc. vo hällrosa, über hällrot mit bläuliche Refläx, rubinrot bis zu granatrot und rotbrun.

E bsunderi Spezialität isch dr sogenannti Blanc de noir: do wärde die rote Truube vorsichtig prässt und sofort vo dr Maische trennt: dr Truubesaft isch wyss und so entstoht us rote Truube e Wysswy. Das Verfahre wird z.B. bym Champagner aagwändet. Loot me s'Truubeguet nur kurz mit de Hüt zäme gähre, entschtoot Rosé.

Rotwy wird by lychte Landwy licht kielt, sunscht mit zunähmendem G'halt by Zimmertemperatur (wo allerdings 18° nit sött überstiige!) serviert und eignet sich guet für Fleischgricht aber au zu Käs wird är gärn trungge.

[ändere] Uswahl vo Rotwy us em alemannische Berych

• Schwiiz
  • Blauburgunder (Pinot noir, Spätburgunder)
  • Merlot
  • Gamay
  • diversi Krüzige (z.B. Diolinoir, Gamaray, Garanoir)

• Elsass
  • Pinot noir (Blauburgunder, Spätburgunder, Clevner)

• Bade-Württebärg
  • Blauburgunder (Pinot noir, Spätburgunder)
  • Müllerrebe (Schwarzriesling, Pinot meunier)
  • Blauer Portugieser
  • Blaufränkisch
  • Trollinger (Vernatsch, Schiava grossa)
  • diversi Krüzige (z.B. Dunkelfelder, Regent)