Micheline Calmy-Rey
Us der alemannische Wikipedia, der freie Dialäkt-Enzyklopedy
D Micheline Calmy-Rey isch am 8. Juli 1945 in Chermignon im Wallis gebore worde. 1968 hät sie am Institut universitaire de Hautes Etudes Internationales in Genf s Lizentiat gmacht. Sie isch verhüraatet, Mueter vo zwei Chinde und hät während 20 Jahre es KMU gfüehrt, wo im Buechvertriib tätig isch.
1979 isch d Micheline Calmy-Rey i di Sozialdemokratische Partei vo Genf iiträte, wo si während zwei Amtsperiode präsidiert hät. Als Vertreterin im Grosse Rat hät sie sich vor allem de öffentliche Finanze gwidmet. Es isch drum nahe liegend, dass sie 1998 s Finanzdepartement übernaah hät, nachdem sie 1997 i d Genfer Regierung gwählt worde isch. Innert vier Jahre hät sie ihres Departement nachhaltig umstrukturiert. Derzue hät sie di erfolgriich Sanierung vo dr Genfer Kantonalbank iigleitet, wo z viil Kreditrisike iigange worde sind.
Am 4. Dezember 2002 isch d Micheline Calmy-Rey in Bundesrat gwählt worde, wo sie s Eidgenössisch Departement für usswärtigi Aaglegeheiten (EDA) übernah hät. Deet setzt sie sich engagiert für e aktivi Ussepolitik ii, wo bi ihre Friedensförderig, Völcherrecht, Mänscherecht und Armuetsbekämpfig im Zentrum stönd.
[ändere] Externi Siite
| Vorgänger Ruth Dreifuss |
Mitgliid im Schwiizer Bundesrat 2003-... |
Nachfolger --- |
| Persoonedaate | |
|---|---|
| NAME: | Calmy-Rey, Micheline |
| ALTERNATIVNAMEN: | |
| KURZBESCHREIBUNG: | Schweizer Politikerin, Bundesrat |
| GEBURTSDATUM: | 8. Juli 1945 |
| GEBURTSORT: | Chermignon, Schweiz |
| STERBEDATUM: | |
| STERBEORT: | |
