Durrenentzen

Us der alemannische Wikipedia, der freie Dialäkt-Enzyklopedy

Technische Yschränkung:
Dr koräkt Titel wär: »Dírrenànze «

Koordinate: 48° 05′ 36″ N 7° 30′ 13″ O

Dírrenànze
Durrenentzen

Wappe

Kart

Wahlspruch

Regionalsproch: Alemannisch

Hauptvariante:

Elsässisch

Regionalvariante:

Lokalvariante:

Verbreitung:

Basisdate

Staat

Frankrich

Region

Elsass

Département

Haut-Rhin

Arrondissement

Colmer

Kanton

Andelse

Kommunalverband

SIVOM Brisàcher Lànd

Geographischi Lag:

48° 05′ 36″ N 7° 30′ 13″ O

Höh

187 m
(180 m–190 m)

Fläch

6,22 km²

Inwohner
– mit Hauptwohnsitz
– Bevölkerungsdichte

(2006)
911 Inwohner
146 Inw./km²

Postleitzahl

68320

INSEE-Code

68076

Adress vu dr Verwaltung
(Mairie)

6, rue de la 5ème Division Blindée
F-68320 Durrenentzen

Internetuftritt:

www.durrenentzen.fr

Maire (Bürgemeischter):
lfd. Amtszitt

Paul Walter
2001-2008

Dírrenànze (IPA: [d̥ɪɾəˈnæntsə]; amtlich Durrenentzen, hochditsch Dürrenentzen) isch e franzeeschi Gmein in dr Region Elsass im Département Owerelsass (Haut-Rhin). S'im Kanton Andelse glege Dorf isch Mitglid im interkommunale Zweckverband SIVOM Brisàcher Lànd.

[ändere] Geographi

S'Dorf lit in dr Owerrhineweni, guet 10 km öschtlich vu Colmer un 5 km weschtlich vum Rhin.

Die durchschnittlich 187 m hoch Gmarkung wiist grad emol e Höheunterschid vu 10m uf un isch demit sehr flach. Im Norde vum Bann verläuft dr Colmer-Kanal, wo Colmer mit em Rhone-Rhin-Kanal uf dr Höchi vu Arzene verbindet. Südlich devu bi Küene isch sälle Kanal durch e Stich mit em Rhin (Nej-Brisacher Kanal) verbunde.

Im Oschte vu dr Gmarkung befindet sich mit em nördlichschte Uslaifer vu dr Hardt e Laubholzwald. Dr greescht Deil vun dr Gmein isch awer Ackerland, u.a. mit Abau vun Welschkorn (Mais).

[ändere] Gschicht

Dr Ort lit öschtlich vu ere alde Reemerstross (Heidesträssel gnennt) un us dr römische Zit sin einigi Fund bekannt, wo mer hit im gallo-römische Museum z'Biese aluege ka.

Dírrenànze wird erscht relativ spot um 1300 als Einsinsheim erwähnt, 1456 no als Dürren Enszheim, wobi dr Namme uf e drucheni, wasserarmi Gegend aspilt.

Dr Ort isch vum 15. Johrhundert bis zue dr franzeesche Revolution 1789 unter wirdebàrigscher Herrschaft gsin, trotz dr Zuegheerigkeit zue Frankrich scho ab em End vum 17. Johrhundert. Wil z'Wirdebàrig d' Reformation durchgfüehrt worre isch, isch au Dírrenànze evangelisch worre. Au hit no iwerwigt im Ort die evangelisch Konfession gegeniwer dr katholische ditlich.

[ändere] Bevölkerung

S'Dorf het mittlerwili iwer 900 Inwohner, wobi d'Bevölkerung sit 1990 e starche Astig erfahre het. Örtlichi Regionalsproch isch Elsàsserditsch. S'git äu numme e elsàsserditschi Bezeichnung fier d'Inwohner, nämlig Dírrenànzemer, e franzeesche isch nit bekannt.

D'Bevölkerung het sich in dr 45 Johre zwische 1962 und 2006 fascht verdreifacht. An dr drei Dorfingäng sin in mehrere Phase Nejbaugebite usgwise worre, z'erscht im Zug vu dr Asidlung vu Industri in dr Region Biese-Küene (Aluminium, Papier un Kartonage), später no in Folg vu ere Stadtflucht us dr Region Colmer ins Umland.

Die unter Zeichnung zeigt dr Verlauf vun dr Bevölkerungsentwicklung sit 1960.
(Quell: INSEE-Agabe).

[ändere] Sehenswirdigkeite un Denkmoler

E Bsunderheit isch die architektonisch nit bsunders Dorfkírech insofern, wil noochdem Dírrenànze bi witter wirdebàrigscher (un demit evangelischer) Hoheit unter franzeeschi (un demit katholischi) Oberhoheit kumme isch, d'Franzose 1687 agordnet hän, dass d'Kírech e Simultaneum bildet un sither abwexelnd fier evangelische un katholischi Gottesdienschte gnutzt wird. Insgsamt hän guet 50 elsässischi Dörfer sonigi Simultankìreche.