Santiago, Chili

vanuit Wikipedia, die vrye ensiklopedie.

Santiago de Chile
Kaart	Wapen
	Vlag
Land	Chili
Stigting	12 Februarie 1541
Oppervlak:
- Totaal	641,4 vk km
Hoogte bo seevlak	522 m
Bevolking:
- Totaal	5 392 395 (2002)
- Metropolitaanse Gebied	6 061 185 (2002)
- Bevolkingsdigtheid	8 407/vk km
Tydsone	UTC-4
Burgemeester	Raul Alcaíno Lihn
Amptelike Webwerf	gobiernosantiago.cl

Santiago (Spaans: Santiago de Chile) is die hoofstad, ekonomiese sentrum en grootste metropolitaanse gebied van Chili, wat met sowat ses miljoen inwoners veertig persent van die land se bevolking huisves. Die stad lê in die sentrale vallei van Chili en maak in administratiewe opsig deel uit van die Metropolitaanse Gewes van Santiago. Alhoewel Santiago as regeringsetel fungeer, is Valparaíso die wetgewende hoofstad van die land.

Ná drie dekades van ononderbroke ekonomiese groei het Santiago tot een van die modernste metropole in Latyn-Amerika ontwikkel, wat met uitgestrekte voorstede, tientalle winkelsentrums en 'n indrukwekkende sentrale besigheidsdistrik met baie wolkekrabbers spog. Die stad beskik oor 'n hoogs moderne infrastruktuur, wat onder meer 'n moltreinstelsel insluit, en is die hoofkwartier van 'n groot aantal nasionale en internasionale maatskappye.

[wysig] Gallery

Palacio de La Moneda