డెన్నిస్ లిల్లీ
వికీపీడియా నుండి
1949, జూలై 18న జన్మించిన డెన్నిస్ లిల్లీ (Dennis Keith Lillee) ఆస్ట్రేలియాకు చెందిన మాజీ క్రికెట్ క్రీడాకారుడు. అతని కాలంలో ప్రముఖ ఫాస్ట్ బౌలర్‌గా పేరుసంపాదించాడు.[1] 1984లో అంతర్జాతీయ క్రికెట్ నుంచి నిష్క్రమించే నాటికి టెస్ట్ క్రికెట్ చరిత్రలోనే అత్యధిక వికెట్లు సాధిమ్చిన బౌలర్‌గా రికార్డు సృష్టించాడు.[2]
[మార్చు] టెస్ట్ క్రికెట్
20 సంవత్సరాల ప్రాయంలోనే 1969-70లో లిల్లీ పశ్చిమ ఆస్ట్రేలియా తరఫున ఫస్ట్ క్లాస్ క్రికెట్‌లో పాల్గొన్నాడు. ఈ సీజన్ చివరిలో ఆస్ట్రేలియన్ రెండో జట్టు తరఫున న్యూజీలాండ్ పర్యటించి 16.44 సగటుతో 18 వికెట్లు తీశాడు.[3] తదుపరి సీజన్‌లో లిల్లీ అడిలైడ్ టెస్టుతో టెస్ట్ క్రికెట్‌లో రంగప్రవేశం చేశాడు. తొలి సాధన లోనే 83 పరుగులకు 5 వికెట్లు సాధించాడు. 1971-72లో పెర్త్ లో గారీ సోబర్స్, క్లైవ్ లాయిడ్, రోహన్ కన్హాయ్, సునీల్ గవాస్కర్ లాంటి హేమాహేమీలు ఉన్న ప్రపంచ ఎలెవన్ (World XI) పై ఆడుతూ 29 పరుగులకే 8 వికెట్లు పడగొట్టినాడు. 1972లో ఇంగ్లాడు పర్యటనలో కూడా ఇదే ప్రతిభను కొనసాగించి తనకు తానే గొప్ప బౌలర్‌గా విశ్వసం ప్రకటించుకున్నాడు.[4] ఆ సీరీస్ 2-2 తో డ్రాగా ముగిసిననూ 17.67 సగటుతో 31 వికెట్లు సాధించి తన సత్తా చూపించాడు. ఈ ప్రతిభ మూలంగా 1973లో విజ్డెన్ అవార్డులు పొందిన 5 క్రికెటర్లలో ఇతని పేరు కూడా ఎన్నుకోబడింది.[5]
మొత్తంపై లిల్లీ 70 టెస్టులు ఆడి 23.92 సగటుతో 355 వికెట్లు పడగొట్టినాడు. ఒకే ఇన్నింగ్సులో 5 వికెట్లను 23 సార్లు, ఒకే టెస్టులో 10 వికెట్లను 7 సార్లు సాధించాడు. టెస్టులలో అత్యుత్తమ బౌలింగ్ విశ్లేషణ 83 పరుగులకు 7 వికెట్లు. బ్యాటింగ్‌లో 905 పరుగులు కూడా చేశాడు. అందులో ఒక అర్థసెంచరీ ఉంది. టెస్టులలో అతని అత్యధిక స్కోరు 73 నాటౌట్.
[మార్చు] వన్డే క్రికెట్
లిల్లీ 63 వన్డేలు ఆడి 20.82 సగటుతో 103 వికెట్లు సాధించాడు. వన్డేలలో అతడి అత్యుత్తమ బౌలింగ్ విశ్లేషణ 34 పరుగులకు 5 వికెట్లు. వన్డే బ్యాటింగ్‌లో అతడి అతుఅధిక స్కోరు 42 నాటౌట్.
[మార్చు] మూలాలు
- ↑ BBC Sport: Ashes legends - Dennis Lillee. Retrieved 18 September 2007.
- ↑ MCG.org: Dennis Lillee. Retrieved 18 September 2007.
- ↑ Cricinfo: Australia in New Zealand 1969–70 tour statistics.
- ↑ Cricinfo.com: Massie's mystery, Lillee's menace. Retrieved 18 September 2007.
- ↑ Wisden, 1973 edition: Cricketer of the Year Dennis Lillee
| 1983 ప్రపంచకప్‌లో ఆస్ట్రేలియా జట్టు సభ్యులు |
|---|
| కిమ్ హ్యుగ్స్ (కెప్టెన్) · అలాన్ బోర్డర్ · ట్రెవర్ చాపెల్ · టామ్ హొగన్ · రాడ్నీ హగ్ · డేవిడ్ హుక్స్ · జెఫ్ లాసన్ · డెన్నిస్ లిల్లీ · కెన్ మెక్‌లీ · రాడ్ మార్ష్ · జెఫ్ థాంప్సన్ · కెప్లర్ వెస్సెల్స్ · గ్రేమ్ ఉడ్ · గ్రహం యాలప్ |
