Palermo (Buenos Aires)

Un article de Wikipèdia, l'enciclopèdia liura.

Palermo qu’ei un quartièr de Buenos Aires. Qu’ei en gran partida ocupat per ua seria de parcs aperats los bòscs de Palermo on òm troba lo Planetari Galileo Galilei. Lo parc 3 de Febrero (en occitan, 3 de heurèr) que ho creat peu president Domingo Faustino Sarmineto suber lo terrenhs de la proprieta de Juan Manuel de Rosas qui perdó justament lo poder après la soa des.hèita de la batalha de Caseros lo 3 de heurèr de 1852. A la plaça de çò qui èra estat autes còps l' ostau de Rosas (èra estat seti deu poder executiu durant lo governs deu Restaurador) ua estatua Sarmiento, lo son enemic, que's quilha uei lo dia.

Palermo qu’acesa tanben lo Jardin Japonès entertiengut per la comunautat nipona, lo Jardin Botanic renomat per la colleccion de plantas e per la soa massiva comunautats de gats que los aimadors deus felins e vienen neurir.

Au ras deu Jardin Botanic òm troba tanben lo Zòo de Buenos Aires.

Palermo qu’ei tanben associat dab las corrudas de chivaus per’mor deu son ipodròm pròche deu Centre Culturau Islamic Rei Fahd (Centro Cultural Islámico Rey Fahd en castelha), la mosquèa màger d’America Latina.

L'ipodròm de Palermo qu'ei evocat dens un famós tangó de Juan Villalba interpretat per Carlos Gardel e qui dit :

¡Maldito seas, Palermo! Me tenés seco y enfermo, mal vestido y sin morfar, porque el vento los domingos me patino con los pingos en el Hache Nacional

(Malaja sias Palermo ! Que'm deishas sec e malaut, mau vestit e shens minjar per'mor que la moneda los dimenges que'm la perdi a l'Ipodròm Nacionau.)

La partida abitada de Palermo qu’ei divida enter Palermo chico (lo petit Palermo), zòna exclusiva e rica, e Palermo viejo.