Puerto Madero

Un article de Wikipèdia, l'enciclopèdia liura.

Puerto Madero dab los vielh entrepaus amenatjats, los bassins de l'ancian pòrt e lo quartièr navèth

Emplaçament de Puerto Madero dens lo plan de Buenos Aires

Puerto Madero qu'ei un quartièr de Buenos Aires qui presenta lo paradòx d'estar uns deu mei recents en tot costejar los quartièr de San Telmo e Montserrat, los mei ancians de la ciutat.

Lo soa istòria que comencè a la fin deu sègle XIX dab la bastida deu pòrt qui seguí lo projècte d'Eduardo Madero, acceptat en 1882 peu President Julio Argentino Roca. La bastida d'un pòrt qu'èra ua grana necessitat per'mor que las aigas de l'arriu de la Plata be son pas briga pregondas. Los vaishèths que devèvan alavetz descargar òmis e mercanderias suber barcas e las tornar cagar suber bròs d'arròdas granas entà rollar suus darrèrs mètres de l'arribèra. La construccion que comencè en 1887 entà s'acabar en 1897.

Fragata Sarmiento, ancian batèu escòla de la marina vaduda musèu ancrat definitivament a Puerto Madero e vadut musèu

Un dezeat d'annadas arron, un navèth pòrt qu'èra bastit per'mor de la pravada de l'endom deus vaishèths e Puerto Madero qu'èra abandonat per decenis. Mantun projèctes que hon perpausats au cors deu sègle XX entà tornar utilizar lo quartièr, shens que cap e hosse pas jamei estat realizat.

Lo Pont de la Dauna, pont viradís pro emblematic deu navèth quartièr

Durant las las annadas 90, los vielhs enterpaus abandonats deu pòrt be hon transformats en apartament lofts, restaurant, locaus cormerciau, e un que vadó quitament seti d'ua universitat. Las quitas gruas deu pòrt be hon pintradas e conservadas entà.

Los terrenhs pleats desempuish las annadas 70 dab lo prezthèit d'estar bastits e qui, en lòc, b' èran estats colonizats per la fauna e la flora naturau de la pampa que hon transformats en Reserva Ecologica de Buenos Aires mentre qui las usias e los entrepaus de la vielha zòna industriau b'èran amenatjats e un navèth quartièr que gessiva de tèrra ; com lo peu pòrt lo projècte qu' ensajè de conservar los ancians bastiments industriaus entà dar ua certa personalitat ad aquèth projècte. Puerto Madero que vadó atau un quartièr exclusiu (desseparat de la resta de la vila peus ancian bassins deu pòrt).