Balvanera

Un article de Wikipèdia, l'enciclopèdia liura.

Emplaçament de Balvanera dens lo plan de Buenos Aires

Palais d'Aigas Correntas

Marcat de l'Abasto

Balvanera qu’ei un quartièr de Buenos Aires. Lo son nom que vien de la parròpia Nosta Dauna de Balvanera, bastida en 1831 e aperada atau per’mor deu mostièr de Valvanera, dens La Rioja, Espanha.

La partida deu quartièr autorn de la plaça Miserere on e’s pòt véder lo Mausolèu de Bernardino Rivadavia qu’ei coneguda oficiosament com lo quartièr Once per’mor de l’estacion Once de Septiembre ("Onze de Setembre" en occitan), mentre qui la partida sud est qu’ei aperada Congrès (e solide, per’mor qu’ei lo lòc on e s’estar lo Congrès) e lo nord est, eth, qu’ei designat com l’Abasto per’mor de l’ancian marcat deu medish nom, transformat uei lo dia en un deus centers comerciaus màger de la ciutat ; l’Abasto qu’ei hortament ligat au sovièr deu famós cantaire occitan de tango Carlos Gardel, susnomat el Morocho del Abasto (lo "Moret de l’Abasto" en occitan) ;

Universitat de Buenos Aires (universitat d'economia) e estacion de Subte Facultat de Medicina

A la debuta deu sègle XX, mantuns emigrants que poblen Balvanera e l’Once e, enter eths, un sarròt de judius mes tanben arabs, armenians, e, com tostemps a Buenos Aires, galicians e italians.

Congrès

Lo 18 de julhèt de 1994 que marquè tristament aqueth quartièr on e’s troban mantun seti d’organización judiva, per’mor de l’atentat de l’AMIA (la Mutuau Israelita Argentina).

Balvanera qu'acesa la Facultat de Medicina de la facultat d'economia de l'Universitat Autonòma de Buenos Aires (UBA) e tanben de cap a 25. 000 botigas.