Carlos Gardel
Un article de Wikipèdia, l'enciclopèdia liura.
Carlos Gardel, famós cantaire e autor argentin e uruguaian de tango. Qu'ei, de segur, nascut a Tolosa en Occitània, lo 11 de decembre de 1890 dab lo nom de Charles Romuald Gardès ( a maugrat qui aja avut ua controvèrsia suu lòc e la data de la soa neishença, devuda, mei que mei, a la nececitat entàd eth, de viatjar dab documents faus per'mor d'aver pas arrecotit en Euròpa entà har la guerra de 14, e que s' morí en un accident d'avion a l'aeropòrt de Medellín en Colómbia lo 24 de Junh de 1935.
La soa mair qu'emigrè en Argentina e Gardel que creishó a Buenos Aires en un quartièr nomentat pr'amor deu son marcat: "El Abasto" (en vertat El Abasto que demora dens la quartièr oficiau de Balvanera). Per aquesta rason (e tanben per'mor qu'era moret) qu'ei recebó lo chafre "el morocho del abasto" (qu'ei tanben coneishut com "el zorzal criollo", la trida argentina). La soa carrièra que comencè en duo dab lo cantaire "el oriental" José Razzano. Puish que hasó l'actor en Euròpa e en America e que tribalhé per la companhia americana Paramount ("El dia que me quieras", "Tango Bar", "Melodia de arrabal", "Cuesta abajo"). Aquestes filmes que s' filmèn aus Estats Units e en Euròpa, quitament quan l'accion e s'escad a Buenos Aires. Aquò que balhé lo parat a un mainatge nomat Astor Piazzola (lo famós compositor qui, alavètz, e s'estava, aus Estats Units) de debutar au cinèma en El dia que me quieras. Mantuns deus tangos que canté Gardel en los sons films qu'èran òbras d'Alfredo Le Pera. Qu'ei sepelit au cemitèri de la Chacarita on los visitaires e alucan ua cigarreta que hican enter los dits de la soa estatua. Que s' morí joen e au som de la soa carrièra artistica.
Enter las soas cansons las mei famosas que podem mentàver:
- "El dia que me quieras"
- "Pobre mi madre querida"
- "Silencio" (un tango sus la guerra de 14 en França).
- "Yira Yira"
- "Viejo Smoking"
- "Enfundá la mandolina"
- "Mano a Mano"
- "Canchero"
- "Rubias de New York" (fòx tròt)
- "Tomo y obligo"
- "Cuesta abajo",
- "Volver"
- "Mi Buenos Aires querido".