Orient Mejan
Un article de Wikipèdia, l'enciclopèdia liura.
L'Orient Mejan (tanben nomenat Pròche Orient ) es constituït pels païses d'Orient que son lo pus pròche d'Euròpa (Occident), per oposicion a l'Extrèm Orient o Orient Luenchenc. Lo nom d'Orient Mejan s'utiliza per influéncia de l'expression anglesa Middle East, que se referis a una division de l'Orient antic, e que aprés la casuda de l'Empèri Otoman a començat d'èsser mai utilizada en anglés e traduïta dins mantuna lengas.
Fòrça factors an fach qu'aquesta zona es una de les mai conflictualas del mond, e en particular lo despartiment de las possessions otomanas aprés la Primièra Guèrra Mondiala, moment ont se va predeterminar lo traçat de las frontièras e la naissença de l'Estat d'Israèl. Un autre factor segurament s'auria de trobar dins las sieunas riquesas naturalas, subretot lo petròli.
[Modificar] Geografia
Aquesta tièra es una interpretacion larga de l'Orient Mejan:
- Estats al Sud de Caucàs
- Orient Mejan (Mar Mediterranèa):
- Còsta de la Mar Roja
- Estats del Golf Persic
[Modificar] Istòria
Coneissèm l'istòria d'aquesta region subretot pels escrits de l'Ancian Testament e dels istorians grecs, e per los escavaments que i faguèt l'Arqueologia dempuèi lo sègle XIX. La zona es poblada dempuèi 8000 aC, coma o provan las restas de Jèrico.
Al long de l'istòria, los païses d'aquesta partida del mond an sovent experimentat los meteis canbiaments. Per exemple, las conquistes de l'Empèri persan, d'Alexandre lo Grand e de l'Islam. Posteriorament formèron una partida de l'empèri otoman e de las colonias britanicas.
Aquesta zona es una de las zonas que foguèron las mai conflictualas del sègle XX. Pendent aqueste sègle, l'Orient Mejan a viscut sièis conflictes (quatre guèrras arabo-israelianas, la guèrra entre Iraq e Iran e la Guèrra del Golf), una guèrra civila al Liban, e la revolucion islamica de Khomeini en l'Iran amb d'importantas repercussions per tot lo mond musulman.
[Modificar] Situacion actuala
Actualament, aquesta region es a predominança islamica. La produccion de petròli i es fòrça importanta. Los Estats Units an ocupat mantun païses. Un dels conflictes mai important de l'Orient Mejan es entre Israèl ei los païses arabis.
Lo processus de patz del conflicte arabo-israelian, iniciat a Madrid en 1991, dobriguèt una pichona porta a l'esperança per la region.