Feminisme
Un article de Wikipèdia, l'enciclopèdia liura.
Lo feminisme o movement feminista es l'ensems d'idèas e accions que cerca de favorir los interèsses de las femnas en situacions de sosmission e sosmetiment al poder masculin, per tal de modificar las posicions d'inegalitat, d'esplecha sociala e de violéncia envèrs las femnas, pr'amor que lo concèpte de ciutadania es bastit subre de paramètres androcentristas. Lo feminisme de rasiga illustrada reclama de gaudir dels meteis dreches e dévers que gaudís l'òme. Lo movement feminista vòl transformar l'ordre simbolic del patriarcat a travèrs la recèrca d'una significacion pròpria e liura del fach d'èsser nascuts dins un còs sexual femenin o masculin. Lo feminisme vòl tanben modificar las definicions subre que s'i sosten lo patriarcat dins l'esfèra familhara, sociala, culturala e politica. Lo feminisme bastit subre la teoria del discors planteja que lo sèxe es tanben una categoria d'analisi. Demanda la supression de l'ordre simbolic patriarcal.
