Bulgar
Un article de Wikipèdia, l'enciclopèdia liura.
Bulgar (Български Bǎlgarski) | |
---|---|
Parlat en : | Bulgaria, Ucraïna, Moldàvia, Serbia, Romania, Macedònia, Grècia e Turquia. |
Regions : | Balcans |
Parlat per : | 12 milions de personas |
Classament : | 88ena pus parlada |
Tipologia : | SVO [1]
Flexionala - Accentuala |
Familha lingüistica : | grop indo-europèu Balto-eslau |
Estatut oficial | |
Lenga oficiala de : | Bulgaria |
Acadèmia : | |
ISO 639-1 | bg |
ISO 639-2 (B) | bul |
ISO 639-2 (T) | bul |
Mòstra: | Article primièr de la Declaracion dels Dreches de l'Òme Член 1 |
Vejatz tanben : {{{grop}}} – lenga, lista de lengas |
Lo bulgar (Български = Bǎlgarski) es la lenga principala de Bulgaria e sa lenga oficiala. Lo bulgar es una lenga qu'aperten al grop de las lengas eslavas meridionalas de la familha de las lengas indoeuropèas, e es fòrça pròche del macedonian que d'unes considèran coma un dialècte del bulgar. La lenga a 12 milions de locutors. Tanben foguèt la primièra lenga eslava que produguèt una literatura, e la forma del primièr estadi d'aquesta lenga serviguèt de lenga eclesiastica per la Glèisa ortodòxa. Lo bulgar s'escriu amb l'alfabet cirillic, amb pasmens qualques diferéncias a respècte del rus. Se compausa en efièch de 30 letras, e la prononciacion del bulgar es pro diferenta d'aquela del rus.
Lo bulgar es un cas particular dins l'ensems de las lengas eslavas, amb doas especificitats : es l'unica lenga del grop que possedís pas de flexions de cas, e es l'unica lenga del grop que possedís un article (postpausat). Aquela darrièra particularitat ne fa un dels membres de l'union lingüistica balcanica amb lo romanés, lo grèc e l'albanés. Ça que la lo bulgar a conservat tota la complexitat del sistèma verbal que caracteriza las lengas eslavas.