Скореновац
Од Википедија, слободна енциклопедија
| Скореновац Székelykeve Skorenovac |
|||
 |
|||
|
|||
| Земја | Србија | ||
|---|---|---|---|
| Област | Војводина | ||
| Општина | Ковин | ||
| Население (2002) | |||
| - Град | 2,501 | ||
| Поштенски број | 26228 | ||
| Повикувачки број | +381 13 | ||
| Регистрации | PA | ||
Скореновац (српски: Скореновац, унгарски: Székelykeve, германски: Skorenowatz) е село во општина Ковин, Јужнобанатски округ во автономната област Војводина, Србија. Најблиски градови се Ковин - 6 км, Панчево - 30 км и Белград - 46 км.
Содржина |
[уреди] Историја
Селото Скореновац е основано во 1869 меѓу селото Банатски Брестовац и реката Дунав. Основано од унгарски семејства (Palóc), кои доаѓаат од Банатско Ново Село (Újfalu), Арменовци (Ürményháza) и Шандорфалва (Sándorfalva), а имало и некои семејства кои дошле од околината на Сегед (Szeged) и Банатски Душановац (Szőlősudvarnok/Rogendorf). Селото во 1869 броело 396 жители. Подоцна, во 1883 година, доаѓаат 645 Секели, и така вкупното население на Скореновац брои околу 2 000 жители. Во тој период, поради отсуството на брани крај реката, секоја година Дунав се изливал од коритото и му нанесувал штети на селото и неговото обработливо земјиште. Оваа постојана закана од поплава ги тера жителите да се преместат. Мала група од нив се селат во Иваново.
Новото село е основано во 1886 година, по времето на Франц Јосиф I - император на Австроунгарија, и го носело името Секејкеве (Székelykeve). Најбројни жители биле Секелите, дојдени од Буковина. Заедно со нив се доселуваат и извесен број на германски семејства од Пландище (Zicsifalva) и Плочице (Plosic) и банатски бугарски семејства од Стар Бешенов.
[уреди] Историски имиња на месноста на селото низ вековите
Историски имиња на месноста:
Имиња на селото:
- Ѓоргево - име дадено при основањето на селото (1869-1883)
- Наѓѓордфалва (Nagygyörgyfalva) - "Голямо Гюргево" (1883 - 1886)
- Скореновац (Skorenowatz) - (користено од германците во различни периоди)
- Секејкеве - (Székelykevе) - (1886-1922)
- Скореновац (Skorenovac) - (от 1922)
[уреди] Население и распределба по етнички групи
| Година | Број | унгарци | германци | бугари | срби | словаци | југословени |
| 1890 | 2 510 | Н/П | Н/П | Н/П | Н/П | Н/П | 0,00% |
| 1910 | 4 541 | 73,31% | 11,94% | 9,69% | 1,26% | 2,53% | 0,00% |
| 1921 | 4 195 | 81,83% | 7,34% | 10,27% | 0,36% | 0,05% | 0,00% |
| 1948 | 4 465 | 84,46% | 0,70% | 11,22% | 3,18% | 0,05% | 0,00% |
| 1991 | 3 213 | 80,36% | 0,15% | 2,53% | 9,40% | 0,03% | 3,36% |
| 2002 | 2 501 | 86,71% | 0,07% | 2,99% | 5,47% | 0,00% | 1,04% |
[уреди] Селски празници и обичаи
- Свети Стефан (Szent István) - селски празник "Кирбај", се празнува на 20 август.
- Машкаре (Farsang) - карнавалски празник во февруари. На него младите од селото се маскират во животински кожи, носат ѕвона и ги гонат "злите духови". Веселбата на младите продолжува низ целата ноќ. Овој празник особено се почитувал до 60-те години на XX век.
- Баба Марта - обичај на банатските бугари во селото.
[уреди] Личности
- Лука Узун – адвокат, просветен деец на банатските бугари, редактор на “Банатски български гласник”, издаван во Темишвар.
- Тамаш Јунг (1911- 1992) - епископ
- Золи Шебешчан - поранешен фудбалер на Бајер Леверкузен
- Ерне Комароми - фудбалер
[уреди] Разни слики од традицијата и секојдневниот живот
|
[уреди] Надворешни врски
- Скореновски вести (унгарски)
