Санстефанска Бугарија
Од Википедија, слободна енциклопедија
Санстефанска Бугариjа бил проект за автономна територија во рамките на Отоманската Империја дефинирана по склучувањето на Санстефанскиот договор помеѓу Руската Империја и Отоманската Империја во 1878. Тој проект никогаш не се остварил, но одиграл огромна улога во формирањето на бугарскиот национализам.
Сан Стефанска Бугарија е држава која би се создала по Санстефанскиот мировен договор од 1878 година со кој Бугарија добивала автономија, и како таква таа би била најголема држава на Балканот во тоа време.
Таа требало да ги опфаќа териториите од река Дунав по новосоздадената српска граница и по западната граница на Врање до Скопска Црна Гора. Оттаму границата преминувала по западните граници на Куманово, Кочани, до Корабпланина.
Потоа, границата се спушта на југ по Црн Дрим и потоа по западната граница на Охрид, Старово и Корча до планината Грамос. Понатаму, границата тргнува на исток преку Костурското Езеро, стигнувала до река Магленица и се спушта до Солунскиот залив.
Границата го заобиколува Солун и преку езерото Бешик Ѓол излегува на Орфанскиот Залив. Од Бурувиот Ѓол границата се извиткува на север кон Родопите до Чепеларе, каде завива на исток и се спушта по Арда, па минува преку Источна Тракија до Црно море, оставајќи го Едрене во Османската империја, а Лозенград, Љубебургас и Мало Трново - во Бугарија. Границата го напушта морскиот брег при Мангалија и преку Добруџа излегува на Дунав при Расово.