Tennis

Vu Wikipedia, der fräier Enzyklopedie.

Tennis ass e Ballspill mat Raquetten, bäi deem sech zwéi Spiller (Simple-Match) oder zwou Equippe vun zwéi Spiller (Double-Match) vun engem Netz getrennt op engem Terrain géijeniwwerstinn. D'Spiller versichen, mat hirer Raquette de Ball iwwer d'Netz an dem Géigner seng Terrainshalschent ze haen, an zwar esou, datt de Géigner en net méi regelgerecht zréckspille kann.

[Änneren] Geschicht

De franséische Virleefer vum Tennis wéi mer en haut kennen, de Jeu de Paume (mat der Handfläch gespillt), gouf a Kléischter, spéider och nach a Ballspillhäiser op engem rechteckege Feld gespillt. D'Spiller hunn de Ball un der Säit ugespillt, andeems si en iwwert d'Netz géint eng Mauer gespillt hunn, déi laanscht den Terrain verlaf ass. D'Zuschauer souze géintiwwer vun der Mauer. Linnen hunn den Terrain a 4 fofzéng Zoll (knapp véierzeg Zentimeter) breet, parallel Sträifen op béiden Netzsäiten agedeelt.

Den englesche Major Walter Clopton Wingfield huet sech 1874 seng Aart vun Tennis, dem "Sphairistike" (griichesch fir Ballspill), patentéiere gelooss. Den Tennis vun haut ass, mat verschiddene Regelännerungen, 1877 bei den éischte Meeschterschaften zu Wimbledon (London) entstan.

Ufanks der 1930er Joren gouf dunn de Profitennis agefouert. Doduerch konnten net méi all d'Tennisspiller un den Tournoien deelhuelen. Dëst gouf allerdéngs 1968 geännert, andeems een oppen Tournoien agefouert huet. Zu dëser Zäit sinn dunn och déi héichdotéiert Tennis-Tournoien wéi d'US Open an d'French Open entstan.

Den Numm "Tennis" geet op den Begrëff "tenes" zréck, mat deem e Ballspill wat bal d'selwecht war bezeechent gouf. Anerersäits léisst sech den Urspronk vum Wuert och duerch den Imperativ Plural vum franséische Verb tenir, also "Tenez!" erklären. Dëst war waarscheinlech ursprénglesch dozou geduet, dem géignereschem Spiller matzedeelen, datt de Spiller mam Opschlaach sech op de Schlaach virbereet.

[Änneren] Punktesystem a Regelen

[Änneren] Ziel vum Spill

D'Zil beim Tennis ass et, déi erfuerderlech Unzuel u Sätz ze gewannen. Dëst erreescht een, andeems een de Ball sou an den Terrain vum Géigner schéisst, datt deen entweder net méi un de Ball erukënnt oder en net méi richteg zréckspillen kann. De Ball, deen nëmmen eemol dierf optappen ier een e schléit, muss dann awer och am géigneresche Feld, zu deem och d'Linne selwer dozougehéieren, optappen. De Ballwiessel fängt mam Opschlaach, deen an e speziellt, méi klengt, Opschlaachsfeld gespillt gi muss, un. Lant de Ball am Netz oder nieft dem Opschlaachfeld, dierf de Spiller et eng zweete Kéier versichen. Mécht heen hei rëm e Feeler, geet de Punkt un de Géigner. Dëst nennt een dann een Dubbelfeeler. Wann de Ball beim Opschlaach d'Netz beréiert an dann awer nach am Opschlaachsfeld opkënnt, muss e widderholl ginn.

[Änneren] Wéi gezielt gëtt

D'komplett Spill (Match) gëtt am Tennis a Sätz ennerdeelt, déi dann erëm an eng gewëssen Unzuel u Jeuen (aus dem engleschen Games) agedeelt ass. Ee Saz ass da gewonnen, wann de Spiller 6 oder 7 Jeue gewonnen huet, wobäi een tëscht verschidden Zeenarioe muss ënnerscheeden:

• Sechs Jeue ginn duer fir ee Saz ze gewannen, wann de Géigner net méi wéi véier Jeue gewonnen huet.
• Wann et 6:5 steet an de Jeuen, an dee Spiller dee vir läit och den nächsten Jeu gewënnt, entscheet heen de Saz mat 7:5 fir sech.
• Steet et 6:6, kënnt et zum Tie-Break, deen dann de Saz entscheet. Deen deen den Tiebreak gewënnt, gewënnt dann och de Saz mat 7:6.
• Bei Grand-Slam-Tournoien (ausser den US-Open) an dem Davis Cup kënnt et zu enger besonnescher Regelung: Am entscheedenden Saz (5. bei den Hären an 3. bei den Dammen) gëtt keen Tie-Break gespillt, mee et muss en Ënnerscheed vun zwee Jeue bestoen (z.B. 8:6). Virun der Aféierung vum Tie-Break gouf dës Method an all Saz benotzt.

An engem normale Spill huet ëmmer ee vun de Spiller Opschlaachsrecht. Punkten an de Jeue sinn déi folgend: 0, 15, 30, 40. Wann e Spiller mat 40 Punkten deen nächste Punkt mécht, gewënnt heen de Jeu. Bei 40:40 gëtt et eng Ausnam. Dëse Spillstand, och nach Deuce genannt, féiert dozou, datt esou laang weidergespillt gëtt, bis datt ee Spiller ee Virspronk vun op d'mannst zwee Punkten huet. Gewënnt ee Spiller den éischte Punkt nom Gläichstand, dann huet dee Virdeel ("Avantage"). Verléiert heen dann de folgende Punkt, kënnt et rëm zum Gläichstand.

[Änneren] Geschicht vun der Zielweis

Iwwert d'Geschicht vun der Zielweis gëtt et zwou Versiounen.

Déi bekannsten Zielweis ass déi aus dem 14. Joerhonnert, déi op Spillwette mat Suen a Frankräich zréckgeet. So huet een zum Beispiel e groussen Denier gesat, also 15 Denieren. An engem Saz, deen deemools dacks 4 Jeue gedauert huet, huet een also véier mol 15 Deniere gesat. Waarscheinlech gouf "45" am 16. Joerhonnert aus Bequemlechkeet a "40" ëmgewandelt.

Den alfranséische Sol (spéider Sou) huet als Mënzeenheet gedéngt. De Sol wor am Mëttelalter eng Rechnungseenheet fir 12 Pfenneg (am alfranséischen Denier). Am 14. Joerhonnert gouf dës Mënz mat engem Wäert vu 15 Deniere produzéiert.

Déi zweet Versioun bezitt sech op d'Linne vum Terrain. All Kéier wann e Spiller beim Jeu de Paume ee Punkt gemeet huet, konnt heen eng Sträif méi no un d'Mëtt vum Terrain réckelen. D'Spill huet un der 0 Zoll-Linn ugefaangen. Huet e Spiller ee Punkt gewonn, huet e sech bei d'15 Zoll-Linn virubewegt, dunn zur 30 Zoll-Linn an dann zur 45 Zoll-öinn. Dunn eréischt huet heen d'Spill gewonn. Well d'45 Zoll-Linn awer ze no um Netz wor, huet ee se ëm 5 Zoll gekierzt, also op 40 Zoll.

"0" gett am Tennis mam engleschen Wuert "Love" gezielt. Den Urspronk vun dësem Wuert besteet waarscheinlech an der Riedensaart "to do something for love", also eppes fir näischt man. E Spill an deem de Géigner kee Punkt gemeet huet, gëtt dohier dacks Love Game genannt. Aner Quelle ginn un, datt d'Wuert "Love" vum franséische Wuert "l'oeuf" kënnt, dat representativ fir d'0 op der Punktentafel wor.

Bei engem Tennismatch ass keng Zäit festgesat.

[Änneren] Regelännerungen

[Änneren] Schléi

[Änneren] Grondschléi

[Änneren] Virhand

[Änneren] Réckhand

[Änneren] Opschlaach

[Änneren] Aaner Schléi

[Änneren] Return

[Änneren] Smash

[Änneren] Passéierschlaach

[Änneren] Lob

[Änneren] Stoppball

[Änneren] Volley

[Änneren] Schlaachvariatiounen

[Änneren] Topspin

[Änneren] Slice

[Änneren] Cross

[Änneren] Longline

[Änneren] Ass

[Änneren] Terrain

[Änneren] Spillstrategien

[Änneren] Serve & Volley

[Änneren] Grondlinnespill

[Änneren] Chip & Charge

[Änneren] Turnoien

[Änneren] Grand-Slam-Tournoien

[Änneren] Equippentournoien

[Änneren] Profitour

[Änneren] Tennis zu Lëtzebuerg

[Änneren] Linken

[Änneren] Kuckt och

• Fédération Luxembourgeoise de Tennis
• Gilles Muller

[Änneren] Um Spaweck

• Lëtzebuerger Tennisfederatioun - FLT