Lúcia de Jesus dos Santos
Vu Wikipedia, der fräier Enzyklopedie.
 |
Dësen Artikel zum Chrëschtentum ass eréischt just eng Skizz. Wann der méi iwwer dëst Thema wësst, sidd der häerzlech invitéiert aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran. |
D'Lucia dos Santos (* 22. März 1907 zu Aljustrel a Portugal; † 13. Februar 2005 zu Coimbra) war eng portugisesch Nonn. Si war eent vun den dräi Kanner, déi 1917 zu Fátima (Portugal) Zeie solle gewiescht si vu Marienerscheinungen.
Fátima, ongeféier 125 Kilometer nërdlech vun der portugisescher Haaptstad Lissabon, ass weltwäit mat dem franséische Lourdes eng vun deene wichtegsten Pilgeruertschafte ginn, déi all Joer Milliounen vun gleewege Katholiken unzitt.
Inhaltsverzeechnis |
[Änneren] D' Erscheinungen
Den 13. Mee 1917, et war matzen am Éischte Weltkrich, hunn dräi Kanner, d'Lucia de Jesus 10 Joer, hire Koseng Francisco Marto († 1920), 9 Joer, an hir Kusinn Jacinta Marto († 1919), 7 Joer, e klengen Trapp Véi op der Cova da Iria enger Kaul an der Gemeng Fátima gehitt, der heiteger Diözees Leiria-Fátima.
Wéi d'Kanner erzielt haten, hätten se ëm Mëtteg e grellt Liicht gesinn. Si hätten et fir e Blëtz gehalen an sech aus Angscht, et kéim zu engem Donnerwierder, op de Wee no Heem gemaach. Ënnerwee hätten se nach esou e grell Liicht gesinn an doranner eng schéi Fra an engem wäisse Kleed, méi hell ewéi d'Sonn, déi de Kanner versprach hätt, se nach fënnef Mol ze besichen, ëmmer den 13. am Mount. Bei dësen "Erscheinungen" war et nëmmen d'Lucia, dat sot, et hätt d'Gestalt net nëmme gesinn, mee och héieren, wat déi gesot hätt an hat hätt hir kéinten äntweren. D'Jacinta hätt se just kënnen héieren an de Francisco hätt se nëmme kënne gesinn.
[Änneren] Déi dräi Messagen
[Änneren] D'Reaktioun vun der kathoulescher Kierch
[Änneren] D'Publikatioun vun de Messagen
[Änneren] D'Lucia dos Santos an hiert spéidert Liewen
Am Juni 1921 ass d'Lucia dos Santos an en Heim zu Vilar bei Porto agetrueden, dat vun Nonnen vun der Helleger Dotothea gefouert gouf. Kuerz drop ass se op Tuy geplënnert, wou se hire spéideren Numm ugeholl huet. Den 3. Oktober 1928 huet se do hir zäitlecht Gelübte ofgeluegt an den 3. Oktober 1934 hiirt éiwegt.
D'Lucia dos Santos hat als Schwester Maria Lúcia vum Onbefleckten Häerz zënter dem 25. Mäerz 1948 am Karmeliterklouschter vun der Helleger Theresia zu Coimbra gelieft, an ass do den 13. Februar 2005 gestuerwen.
