Alexandre Marius Dées de Sterio
Vu Wikipedia, der fräier Enzyklopedie.
Den Alexandre Marius Dées de Sterio gebuer den 21. Abrëll 1944, a gestuerwen den 11. Oktober 2006 war e lëtzebuergeschen Universitéitsprofesser en Sciences de l’Information et de la Communication, op der Paul Verlaine-Universitéit zu Metz a Journalist. D'Lëtzebuergesch Nationalitéit krut hien den 12. Abrëll 1975 duerch Naturalisatioun. Hie war bestuet mat der Marie-Anne Mersch, Duechter vum Liichtathlet an Editeur François Mersch.
Den Alexandre Marius Dées de Sterio ass zu Königsberg (zënter 1946 Kaliningrad), als Fils vun engem ungarnesche Papp, dem Alexandre Leonidas Simon Reinhardt Edler de Dées, Baron de Sterio, an enger lëtzebuergescher Mamm op d'Welt komm. Duerch säi Papp hat hien d'Recht op den Titel "Baron", op deen hie verzicht huet.
Zu Lëtzebuerg huet hie seng Primärschoul gemaach, ass duerno an de Stater Kolléisch an an de Jongelycée um Lampertsbierg gaangen. Seng Studien huet hien zu Paräis a Stroossbuerg gemaach. Hien ass diploméiert vun der École supérieure de journalisme de Paris a vun der École pratique des hautes études fir seng historesch Aarbecht iwwert d'Juden an der UdSSR. A senger Studentenzäit zu Paräis war den Dées de Sterio niewelaanscht Korrespondent vum Lëtzebuerger Journal, fir deen hien d'Lieser um Lafende gehalen huet. Hie war Doctor a Soziologie an Humanwëssenschaften. Fir d'éischt Professer op der Uni Stroossbuerg II, dono zu Düsseldorf a schliisslech zu Metz.
Seng Virléift fir den däitsche Schrëftsteller Wolfgang Borchert huet munnech Publikatioune mat sech bruecht.
Den Dées de Sterio war jorelaang am Komitee vun der Liberté de Conscience a.s.b.l. a war Freelande-Mataarbechter beim Radio 100,7.
Den Alexandre Marius Dées de Sterio ass am Alter vun 62 Joer gestuerwe beim Zuchaccident bei Zoufftgen den 11. Oktober 2006.
[Änneren] Publikatiounen
- La franc-maçonnerie au luxembourg
