Destpêk

'Li Rihayê mozaîkên giranbiha hatin dîtin'
Li Haleplibahçeya Gola Masiyan a li Rihayê, di dema kolanê de bi tesadufî mozaîkên giranbiha yên ‘Keybanûyên Amazonan’ hatin dîtin. Wezîrê Çand û Turîzma Tirkiyeyê Ertugrul Gunay ragihand ku mozaîkên hatine dîtin ‘xezîne’ bixwe ne. Kesên ku van mozaîkan dibînin jî, şaş û metel dimînin. Tê ragihandin ku mozâikên hatine dîtin, di cîhanê de ‘yek’ in û binirxtirîn mozaîk in. Di xebatên destpêkê de heta niha 100 metreçarçove mozaîkê ronahî dîtiye. Li ser mozaîkan fîgurên giya, kevok, erosê bêbask, sivorî, werdek, piling, kew, xezal û tajiyê hene.

'Google ket temenê xweyê 10'an'
Motora lêgerînê ya bi navê Google kete temenê xwe yê 10'an. Google di 10 saliya xwe de wekî navenda karûbarê elektronîk ê agahiyan tê qebûlkirin. Di 15 rezbera 1997'an de Larry Page û Sergey Brin ku 24 salî bûn, li Zanîngeha Stanford bi navê "google.com" ji xwe re navek kirîn. Piştî salekê li garaja maleke Kalîforniya Page û Brin biryar dan ku Google bikin şîrket. Di demeke kin de google bû navenda kesên ku li agahiyan digerin. Di rojekê de 500 milyon kes serî lê dide.

Riha, (Urfa) bajarekî bakurê Kurdistanê ye. Riha di cîhanê de bajarekî herî qedîm û kevnare ye. Her wiha di dîrokê de Riha wekî hêlîna mirovahiyê û qada şaristaniyê tê zanîn. Heta niha gelek şaristanî hatine li ser vê axê serwer bûne. Li ser axa Rihayê gelek şerên dijwar pêk hatine. Dema ku navê Rihayê tê lêvkirin warê Nemrûd û Îbrahîm pêxember tê bîra mirovan. Dema ku navê Rihayê tê lêvkirin şerê Îbrahîman ê li hemberî Nemrûdan tê bîra mirovan. Bajarê Riha yê wek " Bajarê Pêxamberan" tê naskirin. Li gor rîvayetê gava Adem û Hewa ji biheshtê (cennet) tên qewrandin, tên li Xaranê bi cih dibin. Îbrahîm pêxember, Eyûb pêxember û Îsa pêxember jî li herêmê mane. ...devam