Sgarlets Llanelli
Oddi ar Wicipedia
|
Sgarlets Llanelli |
|
|---|---|
|
|
|
|
Lliwiau'r Tîm |
|
|
Gartref |
Fwrdd |
|
|
|
|
Rhanbarthau Rygbi Cymru 2004 |
|
|
|
|
Mae Sgarlets Llanelli yn rhanbarth rygbi'r undeb yng Nghymru, ac yn chwarae yn y Gynghrair Celtaidd, y Cwpan Heineken a'r Cwpan Eingl-Gymreig.
[golygu] Hanes y Rhanbarth
Mae Sgarlets Llanelli yn un o'r pump (nawr pedwar) rhanbarth gwreddiol yn hanes rygbi rhanbarthol Cymru. Hefyd roeddent yn un allan o ddau rhanbarth nad oedd rhaid iddynt gyfuno gyda clwb arall pan ddaeth y rhanbarthau i fodolaeth yng Ngymru ym myd rygbi'r undeb.
Yn 2003, penderfynodd Undeb Rygbi Cymru newid lefel uchaf rygbi Cymru o naw clwb i bump rhanbarth, yn dilyn llwyddiant system felly yn Iwerddon, Seland Newydd, Awstralia a De Africa. Roedd yn benderfyniad dadleuol ar y pryd, gyda llawer o gefnogwyr yn erbyn y newidiadau.
Yn swyddogol mae Sgarlets Llanelli yn cynrycholi Gorllewin a Gogledd Cymru gyda rhan fwyaf o'r gemau yn cael eu chwarae yn Llanelli, ag ambell gêm yn Wrecsam.
Fe'i crewyd o'r chwaraewyr llwyddianus yn Clwb Rygbi Llanelli y tymor cynt, gyda'r rhanbarth yn llwyddiannus yn ei dymor cyntaf. Cyrhaeddon nhw yr wyth olaf (Y Cwarteri) yn Cwpan Heineken ac ennill y Cynghrair Celtaidd. Ond methwyd ailadrodd y llwyddiant hyn yn yr ail dymor oherwydd anafiadau ac i Stephen Jones adael i ymuno â ASM Clermont Auvergne yn Ffrainc. Gorffenon nhw'r tymor yn y 5ed safle yn y Cynghrair ond gan gyrraedd rownd derfynol yng Ngwpan Celtaidd. Yn y trydydd tymor fe fethon nhw gyraedd ail rownd Cwpan Heineken am yr ail dymor a gorffen yn y 6ed safle yn y Cynghrair Celtaidd. Cyrhaeddon nhw rownd derfynol Cwpan Eingl-Gymreig yn Twickenham (2005-6). Mae Stephen Jones yn awr yn ôl yn chwarae gyda'r Sgarlets.
[golygu] Cartref
Mae Sgarlets Llanelli yn chwarae y rhan fwyaf o'u gemau ar Barc y Strade yn Llanelli ond maent hefyd wedi chwarae sawl gêm ar Y Cae Ras yn Wrecsam. Yn aml gellir clywed caneuon fel "Calon Lan" a "Sosban Fach" yn y stadiwm.
Cynlluniwyd y tymor 2006/07 fel y tymor olaf y byddai'r Scarlets yn chwarae eu rygbi ar Barc y Strade, a fydd wedyn yn cael ei ddymchwel ar gyfer datblygiad tai yn yr ardal. Cynllun swyddogol y clwb yw i ddefnyddio'r arian a ddaw o adeuladaeth y tai ar dir Parc y Strade i gyllido adeuladaeth stadiwm newydd ar safle yn Nhrostre. Amcangyfrifwyd y bydd y stadiwm newydd yn costio tua £45miliwn a bydd yn dal 13,500 o bobl. Mae cryn dipyn o wrthwynebiad i'r cynlluniau hyn yn lleol, ac mae problemau ynglŷn â peryg dilyw yn ardal breswyl y datblygiad wedi gohirio'r cynllun nes fod y Cynulliad Cenedlaethol yn caniatau i'r datblygiadau barhau.
Llywydd y clwb yw Ray Gravell
[golygu] Carfan 2007/08
|
|
[golygu] Llwyddiannau
- Ennillwyr y Gynghrair Celtaidd 2003-2004
- Cyrraedd Rownd go-gynderfynol Cwpan Heineken 2003-2004
- Cyrraedd Rownd derfynol Cwpan Celtaidd 2004-2005
- Cyrraedd Rownd gerfynol Cwpan Eingl-Gymreig 2005-2006
- Cyrraedd Rownd gyn-derfynol Cwpan Heineken 2006-2007
