Yezhoù romanek
Diwar Wikipedia, an holloueziadur digor
| Romanek | |
|---|---|
| Douaroniezh: | 
Galleg Spagnoleg Portugaleg Italianeg Rooumaneg |
| Renkadur genel: |
Yezhoù indezeuropek Yezhoù italek Romanek |
| Disrannadurioù: |
Yezhoù romanek ar c'hornôg
Yezhoù romaneg ar reter
Yezhoù romanek ar su
|
Ar yezhoù romanek a zo unan eus skourrioù pennañ ar familh yezh indezeuropek. Enni e renker an holl yezhoù diskennet deus al Latin. Komzet e vezont gant muioc'h eget 600 milion a dud, dreist-holl en Amerika, Afrika hag Europa.
An holl yezhoù romanek a ziskenn eus al Latin poblek, yezh ar soudarded, an drevadennerien hag ar sklaved. Disheñvel a-walc'h e oa hemañ diouzh al Latin klasel implijet gant ar skrivagnerien roman. Etre 200 kt J-K ha 100 gd J-K e yeas al Latin da yezh voutin kornôg an impalaeriezh, eus al Ledenez Iberiat betek aodoù ar Mor Du. Estreget er Pireneoù, en Enez-Vreizh, en Ilyria ha, marteze, e kornioù-bro 'zo eus Galia e erlec'hias ar yezhioù lec'hiel. Goude diskar an impalaeriezh e krogas da gemm en un doare dizalc'h e pep bro, ha genel a reas degadoù a yezhoù distag.
