Panatòri

Un article de Wikipèdia, l'enciclopèdia liura.

Lo panatòri es un delicte contra l'auviatge consistent a l'apropiacion dels bens d'autres amb la tòca de lucre, en emplegar de fòrça subre las causas o de violéncia o d'intimidacion subre las personas. Son precisament aquestas doas modalitats d'execucion de la conducta que lo diferéncian de la raflada, qu'exigís unicament l'acte d'apropiacion. Lo màger perilh del panatòri, per l'utilizacion d'aquela fòrça o intimidacion, justifica que sa pena siaga superiora a l'establida per la raflada. Egalament, cal diferenciar entre lo panatòri amb fòrça, que s'i utiliza de fòrça o de violéncia per tal d'accedir al luòc que s'i troba la causa, del panatòri amb violéncia o intimidacion subre las personas que s'i exercís de fòrça fisica (vis fisica) o d'intimidacion (vis compulsiva) per tal de véncer la resisténcia del propietari de las causas. De còps, se definisson tanben coma de panatòri aquelas accions que, encara que s'utiliza pas de fòrça o d'intimidacion, i a uns autres elements diferents de la raflada: per exemple, es possible definir coma panatòri aquel que se produtz mejançant l'emplec d'una clau falsa. Aquesta aplicacion se fa per la similitud entre l'utilizacion d'una clau falsa amb la fòrça que se pòt emplegar per trincar aquesta barrièra (la pòrta) que protegís del panatòri.