Mosqueta
Un article de Wikipèdia, l'enciclopèdia liura.
Una mosqueta es un luòc de culte per leis fidèus de l'islam, lei musulmans. Lo mot occitan mosqueta ven de l'arabi masjid (plurau masājid).
La foncion majorala de la mosqueta es de servir de luòc ai musulmans per que se i pòscan acampar e pregar. Dau ponch de vista arquitecturau, lei mosquetas an evolucionat significativament dempuei leis espacis a l'aire liure que consituissián lo tipe de la mosqueta de Quba coma la Masjid An Nabawī dau sègle VII. Uei lo jorn la majoritat dei mosquetas tenon de copolas elaboradas, de minarets e de salas per pregar. Culturalament, son pas ren que de luòcs per adorar mai tanben per aprene l'islam e conéisser d'autrei fidèus.
