Manila

Un article de Wikipèdia, l'enciclopèdia liura.

Lungsod ng Maynila
City of Manila

38,55 km²

1 581 082 (2000)

14° 35' N

121° 0' È

Localizacion de la ciutat a las Filipinas

La Ciutat de Manila (tagalog: Lungsod ng Maynila), o simplament Manila, es la capitala de las Filipinas e una de las municipalitats que forman Metro Manila. La ciutat es situada sus la còsta èst de la baia de Manila sus l'illa de Luzon, la pus granda illa del país.

Manila es lo centre d'un airal urban prospèr de mai de 10 milions de personas, l'airal Metro Manila tanben conegut coma region de la capitala nacionala ( National Capital Region (NCR)), qu'es una metropòli formada de 17 ciutats e municipalitats.

Quartièrs modèrnes de Manila, al sud de Luzon

Manila es la segonda vila de las Filipinas per òrdre de populacion, amb mai de 1,5 milion d'abitants. Sola l'anciana capitala Quezon City es pus poblada. Es a l'ora d'ara inclusa dins la tièra de las ciutats globalas del mond.

Manila ten son nom de may nilad, en lenga tagalog "i a nilad," en referéncia a las plantas floradissas que venon dins la mangrove a la talvera de la baia.

Al sègle XVI, Manila (alara Maynilad) se desvolopèt a partir d'una implantacion musulmana a la broa del riu Pasig e jos govèrn espanhòl, que contrarotlèt las illas Filipinas pendent tres sègles entre 1565 e 1898. Al començament de 1898, los Estats Units ocupèron la vila e l'archipèla de las Filipinas fins a 1946. Pendent la Segonda Guèrra Mondiala, una granda partida de la vila foguèt destrusida. La region metropolitana de Manila foguèt declarada entitat independenta en 1975. Uèi, la ciutat e la metropòli prospèran coma un important centre cultural e economic. Ça que la, subrepopulacion, congestion del trafec, pollucion, e crim son las novèlas escomesas per la ciutat.