Discutir:Jèsus

Un article de Wikipèdia, l'enciclopèdia liura.

Òla, non ei vertat que non i age cap tèxt deth sègle I. I a eth tèxt der istorian jusieu Flavi Josep e autes que mencionen brèvament a Jesús. --Jordi G 10 de julh de 2007 a 20:59 (UTC)

Soi del dire de Jòrdi. Sonca una minoritat d'istorians nèga la realitat istorica de Jèsus. Tipicament Flavi Josèp, aquò's a l'encòp una cronica romana e josieva. Ajusti que conven de desseparar la question de la realitat istorica de Jèsus e la question de la validitat istorica dels evangèlis. Son un ensemble de fonts istoricas, que devon èsser criticadas, estudiadas dins lor dimension propagandista, etc. Los quites crestians fan un trabalh titanesc per destriar un cèrt gra de vertat istorica del demai. Es lo trabalh de quin estudiant de teologia que siá tre la primièra annada (almens respondi de l'Institut de Teologia Protestanta de París e de l'Universitat de Genèva). Pauc de probabilitat que cregatz encara al Jèsus de quand èretz dròlle après una annada a l'ITP o a l'UNIGE. L'evangèli Q, per exemple redusís l'evangèli a pas grand causa, e dona un imatge de Jèsus plan lonhdana de la quita tradicion crestiana. Lo pauc que se sap del Jèsus istoric ne daissa pro per ocupar los cercaires per encara 2 000 ans. Puèi i a la vision crestiana qu'es pas la meteissa segon la tradicion catolica e la tradicion protestanta. Se vei encara uèi amb las declaracions del Vatican. Las doas Glèisas se considèran (la Glèisa reformada o reïvendica pas tant çaquelà) coma l'eretièra de la glèisa primièra, la Glèisa catolica romana coma magistèri dogmatica (dogma=vertat) e la Glèisa protestanta coma la glèisa catolica reformada e qu'opausa al dògma roman la doctrina (ensenhament), la continuitat de l'ensenhament de Jèsus. Raidako 10 de julh de 2007 a 22:52 (UTC)

Es verai, l'immensa majoritat deis istorians admeton l'existéncia de Jèsus coma personatge istoric. Lei tèxts dau sègle I que parlan de Jèsus son pauc nombrós, pasmens son largament sufisents segon lei critèris istoriografics d'atestacion de l'Edat Antica.--Aubadaurada 10 de julh de 2007 a 22:56 (UTC)

---

Me sembla que la question de l'istoricitat de Jèsus deuriá venir après un expausat del fenomèn Jèsus. Calriá tanben rapelar lo contèxte, lo messianisme dins la pensada josieva de l'epòca. Mistificacion o pas, parlam d'una epòca dins l'istòria de la societat josieva. Apuèi aquel fenomèn cambièt un un biais de veire lo mond e las causas. Pensi qu'en istòria cal primièr descriure lo fenomèn abans de pausar la question de la mistificacion. Coralament Raidako 15 de julh de 2007 a 13:01 (UTC)

Aqueste article es ara redigit e ampliat en lengadocian. Coralament, Hegibeltz 16 de julh de 2007 a 16:13 (UTC)