Gaucho

Un article de Wikipèdia, l'enciclopèdia liura.

Duel gaucho au facón e au poncho (qui servèish alavetz d'escut)

Gaucho (paraula castelhana ortografiada gaúcho en portugués) qu'ei lo nom dat d'un biais generau au cavaèr qui guardan las vacas en Argentina, Uruguai, Paraguai, Chaco bolivian, Chile meridionau e Rio Grande do Sul en Brasil).

Lo gauchos que son los parions deus cowboys americans, deus llaneros veneçolans, deus capiras de São Paulo, e deus gardians provençaus.

Gaúcho de Rio Grande do Sul, Brasil, suu son recado.

Deu biais de víver (caracterizat per la libertat, lo solèr e l'independéncia) deus gauchos e de las loas regions que gessí ua cultura, un folclòr e ua quita literatura gauchesca (qui l'òbra la mei representativa qu'ei lo Martín Fierro de l'escrivan argentin d'orgina bearnesa José Hernández.

Lo gaucho qu'ei associat dab lo chivau, lo recado (pèth d'aulha qui remplaça la sera), la guitarra, lo mate, lo facón (ganivet gaucho), lo capèth nodat entà qui non s'envoli pas, lo poncho, lo recado (la cinta de cuer semiada de monedas) o la cinta de tela, las boleadoras.

Somari

1 Immigracion
- 1.1 Gauchos judius
2 Emigracion
- 2.1 Emigracion de gaúchos en Brasil
- 2.2 En Paraguai
3 Veire tanben

[Modificar] Immigracion

[Modificar] Gauchos judius

A partir de 1888, emigrants judias que s'installèn en Argentina mercés a l'ajuda d'ua organizaion deu baron Hirsch aperada Jewish Colonization Association. Qu'èran Ashkenazim originaris de Polonia e de l'Empèria Russe que huegèvan los progroms.

Qu'istallèn colonias dens la província de Entre Ríos e Santa Fe. La principau que ho Moïseville uei apareda Moisés Ville (Santa Fe). D'autas colonias que hon fondadas arron en Santiago del Estero, La Pampa e dens la Província de Buenos Aires (Colonia Lapin ).

En ua o duas generacions qu'adoptèn lo biais de víver tradicionau deus gauchos.

[Modificar] Emigracion

[Modificar] Emigracion de gaúchos en Brasil

A causa de nauta emigracion de gaúchos de Rio Grande do Sul pels estats del Paraná, Mato Grosso do Sul, Mato Grosso e estats del nòrd de Brasil, la cultura gaucha es fòrça difonduda en la rèsta de Brasil. Existisson près de 1,5 milhon de gauchos escampats per Brasil.