Embriologia
Un article de Wikipèdia, l'enciclopèdia liura.
L'embriologia qu'ei la sciéncia qui estudia lo desvolopament de l'organisme a partir de l'ueu fecondat o zigòt. Segond l'embracament filogenetic estudiat e lo grad d'evolucion de l'espècia que's dit sovent que "l'embriogenèsi que resuma la filogenèsi" çò qui vòu díser que l'embrion, au cors deu desvolopament, que's basteish en tot seguir la etapas evolutiva deu son embracament filogenic.
En çò deus animaus cordats l'embriogenèsi que segueish la etapas seguentas :
- La segmentacion: durant aquesta etapa lo zigòt que divisan en cellulas qui divisan de contunh e rapidament shens que l'embrion augmenti lo son volum. L'embrion qu'ei en purmèr calificat de morula puish de blastula ; qu'ei ua massa de cellulas hilha non diferenciadas gessidas deu zigòt ; qu'ei per aquesta rason que s'apera la segmentacion.
- La gastrulacion: a partir de dus grops de cellulas de la blastula (aperadas epiblast e endoblast) tres capas de cellulas que's diferéncian : l'ectodèrma, lo mesodèrma e l'endodèrma ; que balharan los futurs teishuts e organs. L'embrion qu'ei alavetz aperat gastrula.
- La neurulacion : a partir de cellulas gessidas de l'ectodèrma que van prodúser las cellulas nerviosa e formar lo canèth neurau. Aquesta etapa qu'ei caracteristica deus cordats e l'embrion vad alavetz ua neurula.
- La metamerisacion: lo mesodèrma de la neurula que's divisa en segment regulars qui balharan los somits e las vertèbras.
- L'istogenèsi : formacion deus teishuts (osteós, sangins, epiteliaus, musculós, conjonctius e nerviós) .
Domenis generals de la biologia |
---|
Anatomia | Bacteriologia | Biofisica | Bioquimia | Biomecanica | Bioinformatica | Biologia cellulara | Biologia de l'evolucion | Biologia umana | Biologia marina | Biologia moleculara | Botanica | Ecologia | Embriologia | Entomologia | Etologia | Exobiologia | Fauna | Fisiologia | Flòra | Genetica | Geobiologia | Microbiologia | Neurosciéncia | Originas de la vida | Ornitologia | Paleontologia | Parasitologia | Proteïna | Taxinomia | Toxicologia | Zoologia |