Банка

Од Википедија, слободна енциклопедија

Банка е претпријатие чијашто основна функција е да предлага услуги, сврзани со зачувување на цени и кредитирање. Еволуцијата на банките започнува со појавата на писменоста и продолжува и денес.

Кога банката е финансиска институција, таа предлага широк круг од финансиски услуги. Повеќето луѓе сметаат дека е практично парите да се држат во банка. Банката бележи кој колку пари вади од својата сметка и колку на неа става. Таа информација се искажува во вид на банкарски извод. Денес, банките се занимаваат со осигурување, пензии и хипотеки (заеми за купување на станбен објект), како и со чување на пари. Самите банкомати што се поставени на многу објекти, им овозможуваат на луѓето од своите сметки да вадат готовина во било кој момент од денот.

Во денешно време, поимот банка обично се користи за институција којашто има лиценца, издадена од соответната институција за финансиски надзор, којшто дава право за извршување на најфундаменталните банкови услуги, како примање на депозити и давање на заеми. Постојат и финансиски институции коишто извршуваат некои банкови услуги без да го покриваат правното определување на банка. Зборот банка произлегува од италијанскиот збор „banca“, што на свој ред произлегува од германски и означува клупа. Терминот банкрот произлегува аналогно од „banca rotta“. Обично, банките својата печалба ја остваруваат од такси коишто произлегуваат од финансиските услуги и од лихви од раздадените заеми.

Банкарското работење започнува во почетокот во Вавилон пред повеќе од 3000 години. Причината за откривањето е златото. Бидејќи при поседување на злато, било лошо да се носи со себе тешкиот метал, тие го оставале во сигурност кај некој свој пријател. Тој од своја страна дава гаранција за чување на златото.