Willy Bourg
Vu Wikipedia, der fräier Enzyklopedie.
 |
Dësen Artikel iwwer e Politiker ass eréischt just eng Skizz. Wann der méi iwwer dëst Thema wësst, sidd der häerzlech invitéiert aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran. |
De Willy Bourg, gebuer den 22. Februar 1934 an der Stad, a gestuerwen den 21. Februar 2003 war e lëtzebuergeschen CSV-Politiker.
Seng Jugend huet de Willy Bourg zu Beggen verbruecht. No senger Secondaire-Etuden am Stater Kolléisch wollt hien eng militäresch Carrière maachen an hie krut Arel an zu Bréissel eng Formatioun. Duerno ass hien zréck op Lëtzebuerg komm, a gouf Leutnant an der Lëtzebuerger Arméi, wou hie responsabel war fir d'Ausbildung vun den Offizéieren.
Am Joer 1967 huet hie bei der Arméi opgehalen, an ass op d'Technesch Universitéit op Karlsruhe gaangen, fir Ingenieur ze ginn. Duerno war hie Professer am Lycée des Arts et Métiers, an deem hien méi spéit Directuer adjoint war.
1979 gouf de Willy Bourg an de Gemengerot gewielt; 1985 huet hien dem Nic Mosar säi Chambersëtz iwwerholl, wéi deen als Kommissar op Bréissel goung. 1998 gouf de Bourg Vizepresident vun der Chamber.
Den 21. Februar 2003, um Virowend vu sengem 69. Gebuertsdag stierft de Willy Bourg un enger laanger Krankheet.
