Martin Luther King, Jr.
Vu Wikipedia, der fräier Enzyklopedie.
De Martin Luther King, Jr., gebuer de 15. Januar 1929 zu Atlanta a gestuerwen de 4. Abrëll 1968 zu Memphis (Tennessee), war en amerikanesche Biergerrechtler a Friddensnobelpräisdréier.
Aus Veréierung fir de Luther huet de Martin King 1935 dësem säin Numm ugeholl.
Als baptistesche Geeschtleche gouf hien zënter uganks de Fofzegerjoren de Virkämpfer vun der amerikanescher Antisegregatiounsbewegung, déi fir déi selwecht Rechter fir déi Schwaarz an d'Eliminatioun vun alle Rasselimitatioune gefuedert huet. No dem Virbild vum Mahatma Gandhi huet de Martin Luther King zum passive Widderstand géint Rassentrennungsgesetzer opgefuedert, virun allem an deene vun der Diskriminéierung vun de Schwaarze besonnesch betraffene Stied am Süde vun de USA. Wéint dësen Opriff koum de Martin Luther King e puer mol an de Prisong.
No den éischte Succèse vum Martin Luther King an d'Ophiewe vun der Rassentrennung an de Verkéiersmëttel vun der Stad Montgomery goufen eng Rei vun Attentater op de Martin Luther King duerch wäiss Rassefanatiker probéiert. An de 4. Abrëll 1968 ass de Martin Luther King engem vun dëse Versich zum Affer gefall.
1964 krut hien de Friddensnobelpräis
