Planeta exter
E Vicipaedia
Planeta exter vel planeta extrasolaris stella errans vocatur quae circum aliam stellam atque Solem revolvitur. Primus planeta exter certe anno 1995 est cretus circum stellam 51 Pegasi vocatam revolvens. Qui planeta dimidio minor Iove stella orbitam tantum 4,2 dierum habens astro ita est prope ut (sicut alii huiusmodi planetae) Iuppiter calidus vocatur. Adhuc plus quam 200 planetae exteri noti sunt, quorum maior pars Ioves calidi sunt, qui stellam seriei principalis intervallo circiter decem radiorum stellae remoto circumvolvuntur.
Alii sunt Ioves excentricii, saepe maiores Iove planeta, orbitis maioris excentricitatis affecti.
Etiam planetae Neptuni magnitudinis iam inventi sunt, exempli causa illi duo planetae stellam Gliese 876 vocatam revolventes.
Planetae minoris magnitudinis nondum inveniri poterant, cum methodus investigandi solum maiores indicet: Observantur vacillationes stellae ex quibus massae atque orbitae planetarum circum eam revolventium ratiocinantur. Namque imagines planetarum exterorum capere nondum possumus.
Vide etiam in tela totius terrae: www.exoplaneten.de
