Meatzaritza
Wikipedia(e)tik
Meatzaritza lehen sektore ekonomikoaren jarduera da, mea eta beste produktu geologiko batzuk meatzeetatik ustiatzen duena. Sektore honi oinarrizko lehengaiak lortzeaz arduratzen dena da. Nekazaritza, abeltzaintza, basogintza, arrantza eta meatzaritza daude sektore honen barruko jardueren artean, eta mintegietan egiten da.
Meatzariak dira lanbide hau daukatenak.
Eduki-taula |
[aldatu] Meatzeak
Meatzeak irekiak (lur azalekoak) edo itxiak (lur azpikoak) izan daitezke.
[aldatu] Munduan
[aldatu] Amerikan
Amerikan metal preziatuen ustiapena (urrea, zilarra eta abar) itzela izan da, Europak egindakoa. Adibide moduan, Potosin (Bolivia) zilarraren meatzeetatik agortu arte ustiatu zuten XVI. eta XVII. mendeetan, Espainiako dirua fabrikatzeko.
[aldatu] Afrikan
Afrikan ere metal preziatu ugari atera dute historian. Adibidez, Hegoafrikak ditu munduko erreserba handienetakoak urre eta diamantezkoak. Bestela, hainbat herrialde aberatsak dira aluminio, burdin, platino eta titanioa ustiatuz.
[aldatu] Europan
Britainia Handian, Gales izan da herrialde meatzari historikoa, ikatza, burdina, kobrea, zilarra, beruna eta urrea ustiatu dituena.
Penintsula Iberikoan, Asturias izan da tradizionalki meatzaritza landu duen lurraldea, batez ere ikatzarekin lotuta. Mieres eta Langreo dira herri meatzari historikoak.
Euskal Herrian, Bizkaiko burdinaren ustiapena handia izan da beste garai batzuetan. Mendebaldean dagoen Meatzaldea eskualdean jarduera hau eduki dute historikoki, gaur egun meatzeak agortuta badaude ere. Gallartan dugu Meatzaritzaren Museoa, honen erakusgarri.
Bilbon ere, Bilbo Zaharra auzoan jarduera hau nagusi izan zen XIX. mendean bereziki, Miribillako meatzeak hustu arte.
