Laibach
Wikipedia(e)tik
Laibach Esloveniako musika industriala egiten duen taldea da.
1980an jaio zen gazteen kultur elkarte gisa meatzari herrixka batean: Trbovlje-n.
Hasieratik, Laibach taldeak haustura nahi zuen zuen eta, horretarako pieza oso ezberdinak aurkeztu zituen batera, nazismoa, estalinismoa edo nazionalista esloveniarrak elkartuz.
Ekintzak egiteari eman zion. Horrela deitu zien, bai ematen zituzten kontzertuei eta baita egiten zituzten beste agerraldi publikoei ere. Lehen ekintza probokazio kontsideratu zuten, jada, eta langileek izan ziren salatu zutenak; berehala debekatu zuten. Handik gutxira, Yure Pengov kazetariak elkarrizketa egin zien telebistan eta, horren ondoren, betirako betoa jaso zuten.
Lehenengo grabazioak Europa Zentraleko erdi mailako zigiluen laguntzaz editatu zituzten, baina etorkizun dizdiratsua izan zezaketela erakutsi zuten.
1985ean Occupied NATO Tour-en parte hartu zuten eta Ekialdeko Europan izena hartzen joan ziren, Mute Records zigilu ingelesak fitxatu zituzten arte. Pop-rock abesti ezagunak bertsionatu zituzten: Queen-en One Vision Beatles-en Let It Be.
Esloveniak independentzia lortu zuenean, etxera itzuli ziren eta bere ekintzekin jarraitu zuten.
2003 WAT (We Are Time) argitaratu zuten, nazioarteko egoera larriaren isla. Lehen singleak, Tanz Mit Laibach, AEB eta Alemania ditu mintzagai; bere hitzetan, Bigarren Mundu Gerraren ondoren, AEB-k Alemaniari lagundu zion krisi ekonomiko larri hartatik ateratzen. Orain, Alemaniak eskaintzen dio AEBri gerrak egiten jarraitzeko aitzakia: Horrela bada, luzerako dantzaldia dugu diote.
Laibach NSK (Neue Slovenische Kunst -- Arte Esloveniar berria) kolektiboko kide dira. NSK estatu bat da, baina bere mugak ezin ditugu espazioan aurkitu, denboran baizik. NSK noizbehinka agertzen da lurralde batean eta estatuaren antolaketa ezartzen dio lurralde horri. NSK-k iragana berreskuratu eta orainaren isla bihurtzen du. Honen atzean denuntzia bortitzena dago eta sistema politiko ororen -bai demokratiko, bai diktadura- azalpena, bera osatzen duten estruktura totalitario ezkutuak azaleratuz.
2004-2005 maiz agertu ziren Europan (Espainian ere bai) eta AEB-etan. Azken hau 2006ko irailaren 9an aurkeztu zuten dokumental batean laburtzen da: Divided States of America.
2006ko urriaren 23an Volk diska atera zen, munduko himno ezberdinen bertsioak aurkeztuz. Kontzeptu joko arin batean, Volk terminoak "herri" esan nahi du alemanieraz, baina "otso" esloveniarrez edo errusiarrez. Diskaren azalean dagoen marrazkian ardiak ikusten ditugu (herria) eta barruko orrialdeetan, berriz, otso beldurgarria.
Bai America eta Anglia abestietan eta baita diska barneko libretoan, kultura ingelesaren inperialismoaren aurka egiten duten kritika garbia agertzen da, ohikoa dena baino esplizitoagoa azken lan honetan.
