నాగభైరవ కోటేశ్వరరావు
వికీపీడియా నుండి
నాగభైరవ కోటేశ్వరరావు | |
జన్మ నామం | నాగభైరవ కోటేశ్వరరావు |
---|---|
జననం | 1931 ఆగష్టు 15[1] రావినూతల, ప్రకాశం జిల్లా, ఆంధ్రప్రదేశ్ |
స్వస్థలం | హైదరాబాదు |
మరణం | జూన్ 14, 2008 హైదరాబాదు కాన్సర్ వ్యాధి |
నివాసం | హైదరాబాద్, ఆంధ్రప్రదేశ్ |
వృత్తి | కవి ,సాహితీవేత్త & మాటల రచయిత |
నాగభైరవ కోటేశ్వరరావు ప్రముఖ కవి, సాహితీవేత్త మరియు సినిమా మాటల రచయిత. సంప్రదాయ ఛందో కవితా రచనలలోనూ, ఇతర విధానాలలోనూ అందె వేసిన చేయి. సమాజం శ్రేయస్సు, అణగారిన వర్గాల పట్ల కరుణ ఇతని రచనలలో కనిపించే ప్రధానాంశాలు.
విషయ సూచిక |
[మార్చు] జీవితం
నాగభైరవ కోటేశ్వరరావు ఆగష్టు 15,1931[1] వ సంవత్సరంలో ప్రకాశం జిల్లా, రావినూతల గ్రామంలో ఒక వ్యవసాయ కుటుంబంలో జన్మించాడు. 3 దశాబ్దాలకు పైగా ప్రభుత్వ డిగ్రీ కాలేజిలో తెలుగు అధ్యాపకునిగా పని చేశాడు. కొంత కాలం అస్వస్థతతో బాధపడిన నాగభైరవ కోటేశ్వరరరావు 2008, జూన్ 14న మరణించాడు
[మార్చు] కవిగా, సాహితీవేత్తగా ప్రస్తానం
నాగభైరవ కోటేశ్వరరావు పెక్కు రచనలు చేశాడు. రెండు పుస్తకాలు కాలేజీ స్థాయిలో పాఠ్యపుస్తకాలుగా ఉంచబడ్డాయి.
1988-1992 మధ్యకాలంలో సాహిత్య అకాడమీకి తెలుగు నిపుణునిగా ఉన్నాడు. అతని సాహితీ వ్యాసంగానికి గుర్తింపుగా తెలుగు విశ్వవిద్యాలయం పురస్కారం, రాజాలక్ష్మీ ఫౌండేషన్ పురస్కారం లభించాయి.
ఇతని రచనలలో ఐదు సంప్రదాయ ఛందోబద్ధమైన కావ్యాలు. కాని స్వేచ్ఛా కవిత్వంలోనూ రచనలు చేశాడు. నవలలు, నాటకాలు కూడా రచించాడు. ఇతని రచనలలో సమాజ శ్రేయస్సు, విశ్వ ప్రేమ ప్రముఖంగా కానవచ్చే అంశాలు. అట్టడుగు వర్గాల వ్యధల గురించి ప్రత్యేకమైన శ్రద్ధ కనిపిస్తుంది.
[మార్చు] రచనలు
- రంగాజమ్మ (1963)
- కవన విజయం : భువన విజయంకు పేరడీగా, 20వ శతాబ్దపు తెలుగు కవితా ధోరణులను సమర్పించే ప్రదర్శనా కావ్య నాటకం. ఇది 300 పైగా ప్రదర్శనలలో చూపబడింది.
- గుండ్లకమ్మ చెప్పిన కధ (1985)
- తూర్పు వాకిళ్ళు (1982)
- ఒయాసిస్ (1969)
- కన్నీటి గాధ (1969): 1969లో తీరాంధ్రంలో సంభవించిన పెనుతుఫాను కలిగించిన విషాదం గురించి.
- వెలుతురు స్నానం (1980)
- పతాక శీర్షిక (1991)
- నా ఉదయం (1984)
- సంతకం
- మానవతా సంగీతం (1972)
- కన్నెగంటి హనుమంతు (1992)
[మార్చు] సినిమా రంగంలో
నాగభైరవ కోటేశ్వరరావు నందమూరి తారక రామారావు కు సన్నిహితుడు. బ్రహ్మర్షి విశ్వామిత్ర సినిమాకు డైలాగులు రచించాడు.
[మార్చు] విశేషాలు
[మార్చు] బయటి లింకులు
[మార్చు] వనరులు, బయటి లింకులు
- http://www.loc.gov/acq/ovop/delhi/salrp/rao.html
- http://www.hindu.com/2008/06/15/stories/2008061554030400.htm
- http://thatstelugu.oneindia.in/news/2008/06/14/poet-nagabhairava-koteswara-rao-passed-140608.html
[మార్చు] మూలాలు
- ↑ 1.0 1.1 ఈనాడు దిన పత్రికలో నాగభైరవ కోటేశ్వరరావు పై వ్యాసం. జూన్ 17,2008న సేకరించబడినది.