Hong Kong
Un article de Wikipèdia, l'enciclopèdia liura.
La Region Administrativa Especiala de Honk Hong, mai coneguda coma Hong Kong (en chinés 香港, en pinyin Xiāng gǎng), es una ciutat e forma tanben una de las doas Regions Administrativas Especialas de la Republica Populara de China, amb Macau. Format de mai de 260 illas, lo territòri es situat sul costat èst del dèlta del fluvi de las Pèrlas, confronta la província de Guangdong al nòrd e fa fàcia a la Mar de China Meridionala a l'èst, a l'oèst e al sud.
Hong Kong foguèt una colonia del Reialme Unit dempuèi 1842 fins al tranferiment de sobeiranetat a la Republica Populara de China en 1997. La declaracion comuna sino-britanica e la lei fondamentala de la Region Administrativa de Hong Kong estipula que Hong Kong beneficiarà d'un naut degrà d'autonomia fins al mens 2047, cinquanta ans après lo transferiment. Jos la politica "un país, dos sistèmas", lo govèrn central de la Republica Populara de China es responsable pel territòri de la defensa e dels afars estrangièrs, ça que la Hong Kong manten son pròpri sistèma de lei, sa polícia, son sistèma monetari, son sistèma doanièr, sa politica d'immigracion, e sèrva sos delegats dins las organizacions e los eveniments internacionals.
[Modificar] Division administrativa
Hong Kong es devesit en 18 districtes administratius:
- Islands District
- Kwai Tsing
- North District
- Sai Kung
- Sha Tin
- Tai Po
- Tsuen Wan
- Tuen Mun
- Yuen Long
- Kowloon City
- Kwun Tong
- Sham Shui Po
- Wong Tai Sin
- Yau Tsim Mong
- Central and Western District
- Eastern District
- Southern District
- Wan Chai
[Modificar] Ligams extèrnes
