നെയ്യാറ്റിന്‍കര
വിക്കിപീഡിയ, ഒരു സ്വതന്ത്ര വിജ്ഞാനകോശം.
| ?നെയ്യാറ്റിന്‍കര കേരളം • India |
|
 |
|
| Coordinates: | |
| Time zone | IST (UTC+5:30) |
| Area • Elevation |
• 26 m (85 ft) |
| District(s) | തിരുവനന്തപുരം |
| Population | 69,435 (2001) |
Coordinates:
കേരളത്തിലെ തിരുവനന്തപുരം ജില്ലയിലെ ഒരു പട്ടണവും മുനിസിപ്പാലിറ്റിയുമാണ് നെയ്യാറ്റിന്‍കര. തിരുവനതപുരം നഗരത്തില്‍ നിന്ന് 20 കിലോമീറ്റര്‍ കിഴക്കായി ദേശീയപാത 47-ല്‍ കന്യാകുമാരിയിലോട്ടുള്ള വഴിയിലാണ് നെയ്യാറ്റിന്‍കര സ്ഥിതിചെയ്യുന്നത്. ചരിത്രപ്രധാ‍നമായ ഒരു പട്ടണമാണ് നെയ്യാറ്റിന്‍കര. മാര്‍ത്താണ്ഡവര്‍മ്മ പല യുദ്ധങ്ങള്‍ക്കും ഇടയ്ക്ക് ഒളിച്ചു താമസിച്ചിരുന്നത് നെയ്യാറ്റിന്‍കരയിലാണ്. നെയ്യാറ്റിന്‍കരയിലും ചുറ്റുമുള്ള പ്രദേശങ്ങളിലും കൈത്തറി തുടങ്ങിയ കുടില്‍ വ്യവസായങ്ങള്‍ ധാരാളമായി ഉണ്ട്. ഇന്ന് തിരുവനന്തപുരം നഗരാതിര്‍ത്തി നെയ്യാറ്റിന്‍കര വരെ എത്തിയിരിക്കുന്നു. മാര്‍ത്താണ്ഡവര്‍മ്മ ഒളിച്ചുതാമസിച്ചിരുന്ന ശ്രീകൃഷ്ണസ്വാമി ക്ഷേത്രം നഗരത്തിലെ പ്രശസ്തമായ ഒരു സ്ഥലമാണ്. നെയ്യാര്‍ നദിയുടെ തിരത്താണ് നെയ്യാറ്റിന്‍കര. നെയ്യാറ്റിന്‍കര കവലയില്‍ നിന്നും 4 കിലോമീറ്റര്‍ അകലെയുള്ള കമുകിങ്കോട് സെന്റ് ആന്റണി ദേവാലയം പ്രശസ്തമാണ്. നെയ്യാറ്റിന്‍കരയ്ക്ക് അടുത്തുള്ള അരുവിപ്പുറവും ഒരു പ്രശസ്തമായ തീര്‍ത്ഥാടന കേന്ദ്രമാണ്.
നെയ്യാറ്റിന്‍കരയ്ക്ക് അടുത്തുള്ള കാഞ്ഞിരംകുളവും പ്രശസ്തമാണ്.
ഉള്ളടക്കം |
[തിരുത്തുക] ഭൂമിശാസ്ത്രം
നെയ്യാറ്റിന്‍കര ഭൂമദ്ധ്യ രേഖയില്‍ നിന്ന് 8.4 ഡിഗ്രീ വടക്കും 77.08 ഡിഗ്രീ കിഴക്കുമായി സ്ഥിതിചെയ്യുന്നു. [1]. കടല്‍ നിരപ്പില്‍ നിന്ന് 26 മീറ്റര്‍ ഉയരത്തിലാണ് നെയ്യാറ്റിന്‍കര സ്ഥിതിചെയ്യുന്നത്.
[തിരുത്തുക] നെയ്യാറ്റിന്‍കരയ്ക്ക് അടുത്തുള്ള സന്ദര്‍ശന യോഗ്യമായ സ്ഥലങ്ങള്‍
- പൂവാര്‍
- അരുവിപ്പുറം
- കടുക്കര ഡാം
- നെയ്യാര്‍ ഡാം
- കുരിശുമല
- ശ്രീകൃഷ്ണസ്വാമി ക്ഷേത്രം
- പാന്ധവന്‍ പാറ
[തിരുത്തുക] ജനസംഖ്യ
2001-ലെ ഇന്ത്യാ കാനേഷുമാരി അനുസരിച്ച് നെയ്യാറ്റിന്‍കരയിലെ ജനസംഖ്യ 69,435 ആണ്. ഇതില്‍ 49% പുരുഷന്മാരും 51% സ്ത്രീകളുമാണ്. നെയ്യാറ്റിന്‍കരയിലെ സാക്ഷരതാ നിരക്ക് 82% ആണ്. പുരുഷന്മാരില്‍ സാക്ഷരതാ നിരക്ക് 84%-വും സ്ത്രീകളില്‍ ഇത് 80%-വും ആണ്. ജനസംഖ്യയുടെ 10% 6 വയസ്സില്‍ താഴെയുള്ള കുട്ടികളാണ്.
[തിരുത്തുക] അനുബന്ധം
 |
കേരളത്തിലെ സ്ഥലങ്ങളുമായി ബന്ധപ്പെട്ടുള്ള ഈ ലേഖനം അപൂര്‍ണ്ണമാണ്‌. ഇതു പൂര്‍ത്തിയാക്കാന്‍ സഹായിക്കുക. |
