Маркетинг
Од Википедија, слободна енциклопедија
Традиционално, „маркетинг“ е поим што и се придава на професијата на поврзување на производителите (или потенцијалните производители) на еден производ или услуга со потрошувачите, и постоечки и потенцијални. Методите на маркетингот влечат од општествените науки, особено психологија, социологија и економија. Преку рекламирање, маркетингот е исто така поврзан и со креативните уметности.
Маркетингот најопшто кажано има за задача да ја достави стоката или некоја услуга од точката на производството до точката на побарувачот на таа стока или услуга. Како основна маркетиншка цел е зголемување на обемот на продажбите или раширување на пазарниот дел.
За да се реализира една маркетиншката цел, маркетолозите комбинираат определени карактеристики на продуктите, цените, дистрибуцијата и нејзините канали и маркетиншките комуникации.Со еден збор формираат маркетиншки микс. Тој маркетиншки микс се разработува за конкретен пазар, при што решенијата се добиваат врз основа на претходни маркетиншли иследувања кои покажуваат што точно сакаат побарувачите:
-дали се спремни да дадат повеќе пари за одреден производ, колку се запознаени со функционирањето на тој производ, каде се навикнати да пазаруваат, по каков начин - колку временските фактори влијаат врз него - колкава е разликата помеѓу неговите желби за производот и реалните желби кои ги има на пазарот итн...
Во современета теорија и практика синоними на маркетинг миксот се „маркетиншките средства“, „маркетиншките елементи“, „маркетинчкиот комплекс“. Особено популарно е именувањето „4Р” от првите букви на англиските зборови:
- Product /продукт/;
- Price /цена/;
- Place /пласман, дистрибуција/;
- Promotion /комуникација, промоција/.
При продуктивното иследување, како прво се проучуваат:
- карактерот на стоката или услугата, односно корисноста и квалитетот на стоката или услугата
- нејзината функционална карактеристика односно начинот на исполнување на својата функција, нејзината долготрајност, можноста за служење на потребителот, начинот на примање на квалитетот кај потрошувачот...
- нејзината конкурентна способност да влијае врз производите кои се продаваат кај директните конкуренти
- дали се користи како трговска марка?
- каква амбалажа и маркировка користи?
- и.т.н.
При ценовото иследување најмногу се обрнува внимание на формирање на цената која: - ќе биде прифатлива од страна на потрошувачот
- ќе биде прифатлива од страна на производителот
Во врска со потрошувачот, исто така се проучуваат склоноста на потошувачот односно факторите кои влијаат врз него при земање на решение за купување на определена стока или услуга односно колку има цената влијание врз него.
При дистрибутивното иследување најопшто кажано се проучува: - начинот или каналот на престигнување на стоката или услугата до потрошувачот
- неговата склоност кон чекање доколку се работи за поголеми дестинации за праќање на продуктот
При комуникационото иследување се проучува: - Односите со јавноста
- Рекламата
- Личните продажби
- насочување на продажбите
