Марат Сафин
Од Википедија, слободна енциклопедија
На оваа статија ѝ е потребно правилно форматирање, категоризирање, граматика, интервики и слично. Може да помогнете со тоа што ќе ја уредите и трансформирате во стандардна вики-статија.
Марат Сафин е руски тенисер.
[уреди] Семејство и рани години
Родителите на Марат Сафин исто како и него биле тенисери. Мајка му Роза Исмалова била една од најдобрите тенисерки на Советскиот Сојуз. Имено таа била негов тренер кога Марат започнал да се занимава со тенис на шест годишна возраст. Марат своите почетоци во врска со тенисот ги направил во тенискиот клуб “Спартак ”, чиј сопственик бил татко му Михаил Алексеевич. Тој тениски клуб бил отскочна штица кон големиот тенис и за другите големи руски тениски ѕвезди како Евгени Кафелников, Ана Курникова, Елена Дементиева и Анастасија Мискина. Неговата сестра, Динара Сафина, исто така е тенисерка. Интересно е тоа што пред Динара да стане позната тенисерка многу луѓе мислеа дека сестра му на Сафин е популарната пејачка Алсу Сафина, која што исто така имала етничко влашко татарско потекло и има брат кој што исто така се викал Марат. Сафин и неговото семејство по религија се муслимани. На четиринаесет годишна возраст, Сафин заедно со мајка му заминува за Валенсија. Неговиот талент не останува незабележан и откако потпишува договор за спонзорство со “Bank of New York” започнува да тренира во тениската школа на Панчо Алварес.
[уреди] Кариера
Првото учество на Сафин на еден АТП турнир е во ноември 1997 г. во Москва, каде губи во првиот круг од данецот Кенет Карлсен. Марат за прв пат ја сврте светската тениска спортска јавност кон себе во 1998 г. на еден од најпрестижните светски тениски турнири Ролан Гарос во Франција. Тој таму последователно ги победува Андре Агаси, Густаво Куартен и Даниел Вачек, пред да отпадне од Седрик Пиолин.Таа година Сафин е избран за Откритие на годината на АТП.
Сафин го освои турнирот бо Бостон во 1999 г. Во 2000 година следуват уште три титули, пред да потклекне пред нападите на Пит Сампрас во финалето на Отвореното Првенство на САД. Таа година е најсилната за Сафин во неговата кариера, затоа што тој заработи уште три титули од АТП турнирите и во ноември истата година стана дотогаш најмладиот лидер на АТП листата. Истата година е избран за Најнапреден тенисер на годината на АТП листата, како и за Откритие на годината Светските спортски награди Лауреус, познати уште како спортски Оскари. Освен тоа е избран за човек со најголем прогрес во класификацијата на списанието “People” за најважни луѓе во 2000 г.
