Иван Аговски
Од Википедија, слободна енциклопедија
Иван Серафимов Аговски (1887 – 1925) е просветен и револуционерен деец, публицист. Роден е во Дебар. По завршувањето на основното образование во родниот град, учењето го продолжува на Педагошкото училиште во Скопје, од кое е отстранет поради пројавената активност во ученичкиот социјалистички кружок (1905). Сепак успева да заврши више образование. За време на учителствувањето во Кичево учествува активно во учителскиот бунт во 1908 година. Како приврзаник на комунистичката идеологија соработува со скопскиот весник „Социјалистичка зора“. Емигрирајќи во Бугарија, во периодот од 1921-1925 година, ја разгорува својата публицистичка дејност и борбата за национални права на македонскиот народ. Поради тоа [се бара извор] ќе биде лишен од слобода и ликвидиран во 1925 година.
