Замоци на Лоара
Од Википедија, слободна енциклопедија
 |
|
| Државна странка |  Франција |
| Тип | Културен |
| Критериуми | i, ii, iv |
| Идентификација | #933 |
| Регионб | Европа и Северна Америка |
|
Записно минато |
|
| Формален запис: | 2000 24-то заседание |
|
а Име според официјален запис на листата |
|
Долината на реката Лоара (фр. Vallée de la Loire) во Франција е позната по својата богата архитектонска оставнина во старите градови како Амбоаз, Анже, Блоа, Шинон, Орлеан, Сомур и Тур, но особено по своите славни замоци („шатоа“), како Амбоаскиот, Виландрискиот, Шанонсоскиот.
Пејзажот на речната долина, а особено нејзините споменици на културата, во голема мера ги отелотворуваат идеалите на Ренесансата и Просветителството во западноевропската мисла и дела. Долината се одликува со инзвонреден културен пејзаж од восхитувачка убавина, со стари градови и села од историско значење, велики споменици на архитектурата, многу замоци, и висококвалитетни вина.
На 2 декември, 2000, УНЕСКО го придодал средишниот дел на долината на реката Лоара, помеѓу Мајна и Сули на Лоара, кон престижната листа на места на светско наследство. Одбирајќи ја оваа област во која спаѓаат департманите Лоаре, Лоар и Шер, Енд и Лоара и Мајна и Лоара, комитетот се изјаснил дека долината на Лоара е:
„исклучителен културен предел со голема убавина, кој се состои од историски градови и села, величенствени архитектонски знаменитости - Шатоата - и територии култивирани и обликувани од вековната интеракција на локалните населенија со нивното физичко окружување, особено самата Лоара.“
[уреди] Замоци на Лоара
Замоците (шатоата) се повеќе од триста на број, и претставуваат нација на градители започнувајќи од неопходните замоци - утврдувања во X век до раскошот на оние изградени илјада години потоа. Кога кралевите почнале да ги градат нивните огромни замоци во таа долина, благородништвото, не сакајќи да биде далеку од средиштето на моќта, го направило истото. Нивното присуство во богатата и плодна долина, со умерена клима, почнало да ги привлекува најдобрите пејзажни архитекти.
Кон средината на XVI век Франсоа I го преместил центарот на моќта од Лоара кон старата престолнина Париз. Со него пошле и големите архитекти, но кралското семејство и понатаму претпочитало да го минува најголемиот дел од времето крај Лоара. Со доаѓањето на Луј XIV во средината на XVII век Париз станал трајно средиште на администрацијата и власта по изградбата на Версај. Меѓутоа оние под покровителство на кралот и буржоазијата продолжиле со реновирање на постоечки замоци или да градат одново како летни резиденции крај Лоара.
Со Француската револуција низа замоци на Лоара биле уништени, а многу биле опустошени и нивните ризници биле украдени. Прекуноќното осиромашување на укинатото благородништво, обично откако еден од неговите членови ја загубил главата на гилотина, значело рушење на многу замоци. За време на Првата и Втората светска војна некои замоци станале воени штабови. Некои од овие продолжиле да се користат за таа намена и по 1945.
Денес овие замоци се во приватна сопственост и служат како домови, а неколку ги отвараат нивните врати за туристи, додека други се хотели или пансиони. Многу од нив се преземени од локалните власти, додека гигантските градби како Шамбор се во сопственост и под управа на владата и се големи туристички атракции, привлекувајќи стотици илјади посетители годишно.
[уреди] Надворешни врски
- Туристички информации за замоците на Лоара (англиски)
- Туристички информации за замоците на Лоара (англиски)
- Избирање на замок за посетување (англиски)
- Слики од замоците на Лоара (англиски)
- Музика од замоците на Лоара (англиски)
- замоците на Лоара (англиски)
| Замоци на Лоара |
|---|
| Амбоаз • Азе-ле-Ридо • Анже • Блоа • Бурдесиер • Валенсе • Виландри • Плеси-Буре • Сули • Ланже • Лоше • Менар • Монтсоро •
Риво • Сомур • Талси • Трусе • Усе • Шамбор • Шанонсо • Шатоден • Шеверни • Шомон |
