Војвода од Велингтон
Од Википедија, слободна енциклопедија
Војводството од Велингтон (англ. Dukedom of Wellington), кое доаѓа од местото Велингтон во Сомерсет, е наследна титула и старешинско војводство во Перството на Обединетото Кралство. Првиот човек со оваа титула бил Артур Велезли, Прв Војвода од Велингтон (1769–1852), славниот ирец-британски офицер и државник, и кога и ова војводство да се споменува само за себе, речиси секогаш се однесува на овој човек. Најпознат е по тоа што, заедно со Блихер, го поразил Наполеон Бонапарт кај Ватерло.
[уреди] Историја
Титулите Војвода од Велингтон и Маркиз Доуро му биле доделени на Артур Велезли, Првиот Маркиз од Велингтон на 11 мај, 1814. Подружните титули на Војводата од Велингтон се: Мазркиз од Велингтон (1812), Маркиз Доуро (1814), Ерл од Морнингтон (1760 - но наследна од 1863), Ерл од Велингтон (1812), Виконт Велезли (1760 - наследна од 1863), Виконт Велингтон (1809), Барон Морнингтон (1746 - исто така наследна од 1863), и Барон Доуро (1809). Виконството Велезли како и баронството и ерлството од Морнингтон се ирско перство; останатите се Перството на Обединетото Кралство.
Војводата од Велингтон има и странски титули како Принц на Ватерло (Обединето Кралство Холандија на династијата Оранж, по бојното поле кое подоцна станува Белгија, 1815), Војвода на Град Родриго (Шпанија, 1812), Војвода на Победата (Португалија 1812) и Маркиз на Торес Вердас (Португалија, 1812) и Гроф на Вимеиро (Португалија, 1811). Овие титули му биле дадени на првиот војвода како победнички титули за неговите заслуги во победносната команда на Полуостровската војна (во Шпанија и Португалија) и Битката кај Ватерло.
Седиштето на семејството се наоѓа во Стратфилд Сај, близу Бејзингстоук, Хемпшир. Апслиската куќа во Лондон е нивното седиште во главниот град, каде живеат, иако истата сега е во сопственост на институцијата Англиско Наследство (English Heritage).
[уреди] Листа на Војводи од Велингтон (1814)
- Артур Велезли, Прв Војвода од Велингтон (1769-1852), трет син на Гарет Велезли, Прв Ерл од Морнингтон
- Артур Ричард Велезли, Втор Војвода од Велингтон (1807-1884)
- Хенри Велезли, Трет Војвода од Велингтон (1846-1900)
- Артур Чарлс Велезли, Четврт Војвода од Велингтон (1849-1934)
- Артур Чарлс Велезли, Петти Војвода од Велингтон (1876-1941)
- Хенри Валеријан Џорџ Велезли, Шести Војвода од Велингтон (1912-1943)
- Џералд Велезли, Седми Војвода од Велингтон (1885-1972)
- Артур Валеријан Велезли, Осми Војвода од Велингтон (р. 1915)
Моменталниот наследник на титулата е синот на Осмиот Војвода - Артур Чарлс Валеријан Велезли, Маркиз на Доуро (р. August 19 1945).
Неговиот син и наследник е Артур Џералд Велезли, Ерл од Морнингтон (р. 31 јануари 1978).
Лордот Доуро избрал да ја користи куртоазната титула „Маркиз на Доуро“, иако перството на татко му гласи како „Маркиз Доуро“.
[уреди] Надворешни врски
- Полкот на Војводата од Велингтон (англиски)
|
|||||
