Бети Дејвис

Од Википедија, слободна енциклопедија

Оскари
Бети Дејвис
Бети Дејвис во трејлерот на Сега, патнику , 1942.
Родено име	Рут Елизабет Дејвис
Роден(а)	5 април 1908 Лауел, Масачусетс, САД
Починал(а)	6 октомври 1989, (возраст 81) Нојлу, Франција
Активен(а)	1929 - 1989
Брачни партнери	Хармон Нелсон (1932-1938) Артур Фарнсворт (1940-1943) Вилијам Грант Шери (1945-1950) Гери Мерил (1950-1960)

Најдобра актерка 1935 Опасна 1938 Језебел
Еми награди

Најдобра главна актерка - минисерија/филм 1979 Странци: приказна за мајката и ќерката
Награди златен глобус

Награда Сесил Б. ДеМил (1974)

Бети Дејвис (5 април 1908 – 6 октомври 1989), родена како Рут Елизабет Дејвис, е американска актерка-двократна оскаровка. Позната по својата неуморна желба да игра улоги на несимпатични ликови, секогаш ужива голема критичка слава поради можноста да се снајде во различни филмски жанрови, почнувајќи од криминалните мелодрами до историските филмови како и до повремените улоги во комедиите; сепак нејзините најголеми успеси се оние во романтичните драми.

После појавата во неколку драми на Бродвеј, Дејвис оди во Холивуд во 1930 година, но нејзините први филмови за Universal Studios се неуспешни. Се приклучува кон Warner Brothers во 1932 и својата успешна филмска кариера ја започнува со неколку критички признати улоги. Во 1937 се обидува да го раскине својот договор и иако ја губи една од најпознатите правни битки во раната Холивудска историја, овој момент останува забележан како почеток на нејзините најголеми успеси. Се до крајот на 1940тите, таа е една од најпознатите актерки, позната по својот моќен и интензивен актерски стил. Дејвис набрзо се здобива со репутација на ратоборен перфекционист, а нејзините конфортации со извршните лица во студијата и режисерите стануваат легендарни. Нејзиниот искрен пристап, лаконски вокален стил како и секогаш присутната цигара придонесуваа до создавање на една од најпознатите персони на екранот - често имитирани и сатиризирани.

Дејвис е првата актерка со десет номинации за оскар а и првата жена која ја има добиена Наградата за животно достигнување од Американскиот Филмски Институт. Нејзината кариера неколку пати страда од моментални падови, дотолку што таа и самата ќе признае дека нејзиниот успех се должи на безусловното жртвување на нејзиниот приватен живот. Се венча четири пати, еднаш останува вдовица и три пати се разведува, поради што трите деца ги одгледува како самохрана мајка. Последните години од нејзиниот живот се обележани со многу кревко здравје и постојана болест. И покрај ова, Дејвис продолжува да глуми речиси до својата смрт, предизвикана од рак на дојката. Останува запаметена не само како една од најдобрите, туку и како една од најплодните актерки во Холивуд: зад нејзиното име остануваат запишани повеќе од сто филмски, телевизиски и театарски остварувања. Прогласена е за втора најголема ѕвезда во филмската историја.